ઢાકા, નવી દિલ્હી, 31 જુલાઈ (હિ.સ.). બાંગ્લાદેશના બેતગરી યુનિયનના અલ્દાદપુર બાલાપારા ગામમાં હિન્દુઓ પર હુમલો કરવાના આરોપમાં પોલીસે પાંચ લોકોની ધરપકડ કરી અને બુધવારે સાંજે રંગપુર ડિવિઝનની કોર્ટમાં રજૂ કર્યા. કોર્ટે પાંચેયને જેલમાં મોકલી દીધા. અલદાદપુર બાલાપારા ગામ રંગપુરના ગંગાચારા ઉપ-જિલ્લામાં આવે છે.

ધ ડેઇલી સ્ટારના સમાચાર અનુસાર, કિશોરગંજ પોલીસ સ્ટેશનના ઇન્ચાર્જ અશરફુલ ઇસ્લામે જણાવ્યું હતું કે, રંગપુર કોર્ટે યાસીન અલી (25), સ્વાધિન મિયા (28), અશરફુલ ઇસ્લામ (28), અતિકુર રહેમાન ખાન (30) અને સદ્દામ હુસૈન સલીમ (22) ને ન્યાયિક કસ્ટડીમાં મોકલવાનો આદેશ આપ્યો છે. બધા આરોપીઓ નીલફમારીના કિશોરગંજ ઉપ-જિલ્લા હેઠળના મગુરા ગામના રહેવાસી છે.

પોલીસ અધિક્ષક અશરફુલે જણાવ્યું હતું કે, સંયુક્ત દળોના સભ્યોએ બુધવારે વહેલી સવારે આરોપીઓને તેમના ઘરેથી ધરપકડ કરી હતી. મંગળવારે રાત્રે, પીડિતોમાંથી એક રવિન્દ્ર નાથ રોયે, ગંગાચારા મોડેલ પોલીસ સ્ટેશનમાં તોડફોડ અને લૂંટનો કેસ નોંધાવ્યો હતો. એફઆઈઆર માં 1,200 અજાણ્યા વ્યક્તિઓના નામ આરોપી તરીકે છે. રોયે આરોપ લગાવ્યો છે કે, તેમના પાંચ પશુઓ, રોકડ રકમ અને સોનાના દાગીના લૂંટી લેવામાં આવ્યા છે. પોલીસના જણાવ્યા અનુસાર, અલાદાદપુર બાલાપારા ગામમાં હિન્દુ સમુદાય પર શનિવાર રાત્રે અને રવિવારે બપોરે હુમલો કરવામાં આવ્યો હતો.

હિન્દુસ્થાન સમાચાર / મુકુન્દ

હિન્દુસ્થાન સમાચાર / માધવી વ્યાસ