નવી દિલ્હી, 11 સપ્ટેમ્બર (હિ.સ.): ઓલરાઉન્ડર એરોન હાર્ડી ખભાની ઈજાને કારણે ભારત પ્રવાસમાંથી બહાર થઈ ગયા છે. હાર્ડીની જગ્યાએ વિક્ટોરિયાના ઓલરાઉન્ડર વિલ સુધરલેન્ડને ટીમમાં સામેલ કરવામાં આવ્યો છે. સુધરલેન્ડ પહેલાથી જ વનડે ટીમનો ભાગ હતા અને હવે તેઓ બીજા ચાર દિવસીય મેચ માટે લખનૌ પહોંચશે. હાર્ડીની જગ્યાએ વનડે ટીમમાં બીજું કોઈ ખેલાડી પછી પસંદ કરવામાં આવશે.

હાર્ડી શરૂઆતના શેફિલ્ડ શિલ્ડ મુકાબલાઓ સુધી ફિટ થઈ જશે તેવી આશા છે. વેસ્ટર્ન ઑસ્ટ્રેલિયાનો પ્રથમ મુકાબલો 4 ઓક્ટોબરે વાકા મેદાન પર ન્યૂ સાઉથ વેલ્સ સામે રહેશે. હાર્ડી તાજેતરમાં વેસ્ટ ઈન્ડિઝ અને દક્ષિણ આફ્રિકા સામેની ટી-20 અને વનડે શ્રેણીનો ભાગ રહ્યા હતા. જોકે દક્ષિણ આફ્રિકા સામે તેમનું પ્રદર્શન સારું નહોતું અને તેમને ન્યૂઝીલેન્ડના ટૂંકા પ્રવાસ (ત્રણ ટી-20) માટે પસંદ કરવામાં આવ્યા નહોતા, પરંતુ એ ટીમમાં સામેલ કરવામાં આવ્યા હતા. તેમની ફિટનેસ પર આધાર રહેશે કે તેઓ ભારત સામેની વ્હાઇટ-બૉલ શ્રેણીમાં વાપસી કરી શકશે કે નહીં.

હાર્ડીનું બહાર થવું ઑસ્ટ્રેલિયા માટે મુશ્કેલી વધારે છે કારણ કે ઘણા ઝડપી બોલરો પહેલાથી જ ઇજાગ્રસ્ત છે. કપ્તાન પેટ કમિન્સની પીઠની ઈજાએ તેમની ઍશિઝમાં ઉપલબ્ધતા પર સવાલ ઊભા કર્યા છે. હાર્ડીના સાથી ખેલાડી લેન્સ મોરિસ પીઠની સર્જરીને કારણે 12 મહિના માટે બહાર થઈ ગયા છે, જ્યારે યુવા ઝડપી બોલર કૈલમ વિડલરને સ્ટ્રેસ ફ્રેક્ચર થયું છે. મોરિસ ચાર દિવસીય મેચોમાં રમવાના હતા, જ્યારે વિડલર વનડે સ્ક્વોડનો ભાગ હતા। મોરિસની જગ્યાએ આવેલા બ્રોડી કાઉચ પણ ઇજાગ્રસ્ત થયા અને હવે તેમની જગ્યાએ સાઉથ ઑસ્ટ્રેલિયાના હેનરી થોર્ન્ટનને બોલાવવામાં આવ્યા છે.

ભારત એ સામેનો પહેલો ચાર દિવસીય મુકાબલો 16 સપ્ટેમ્બરથી અને બીજો 23 સપ્ટેમ્બરથી રમાશે. ત્યારબાદ કાનપુરમાં 30 સપ્ટેમ્બર, 3 અને 5 ઑક્ટોબરે ત્રણ વનડે મુકાબલા થશે.

અપડેટેડ ઑસ્ટ્રેલિયા એ ચાર દિવસીય ટીમ

ઝેવિયર બાર્ટલેટ, કૂપર કોનૉલી, ઝેક એડવર્ડ્સ, કેમ્પબેલ કેલવે, સેમ કોન્સ્ટાસ, નેથન મેકસ્વીની, ટૉડ મર્ફી, ફર્ગસ ઓ’નીલ, ઓલિવર પીક, જોશ ફિલિપ, કૉરી રોચિચિઓલી, લિયામ સ્કોટ, વિલ સુધરલેન્ડ (બીજી મેચથી), હેનરી થોર્ન્ટન.

અપડેટેડ ઑસ્ટ્રેલિયા એ વનડે ટીમ

કૂપર કોનૉલી, હેરી ડિક્સન, ઝેક એડવર્ડ્સ, સેમ એલિયટ, જેક ફ્રેઝર-મેકગર્ક, મેકેન્ઝી હાર્વી, ટૉડ મર્ફી, તનવીર સાંગા, લિયામ સ્કોટ, લેકી શૉ, ટૉમ સ્ટ્રેકર, વિલ સુધરલેન્ડ, હેનરી થોર્ન્ટન (એક ખેલાડી વધુ સામેલ થશે).

---

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / અભિષેક બારડ