તિરાના,નવી દિલ્હી, 12 સપ્ટેમ્બર (હિ.સ.) યુરોપિયન ફૂટબોલ

યુનિયન (યુઈએફએ) એ જાહેરાત કરી છે

કે, 2026-27 સીઝનની પુરુષો

અને મહિલા ચેમ્પિયન્સ લીગ ફાઇનલ અનુક્રમે મેડ્રિડ અને વોર્સોમાં રમાશે.

ગુરુવારે તિરાનામાં યુઈએફએ એક્ઝિક્યુટિવ

કમિટીની બેઠકમાં આ નિર્ણય લેવામાં આવ્યો હતો. પુરુષોની ફાઇનલ સ્પેનની રાજધાની

મેડ્રિડના એસ્ટાડિયો મેટ્રોપોલિટનો ખાતે યોજાશે, જે એટ્લેટિકો મેડ્રિડનું હોમ ગ્રાઉન્ડ છે અને

જ્યાં લિવરપૂલે 2019 માં ટોટનહામ

હોટસ્પરને હરાવીને ટાઇટલ જીત્યું હતું.

મહિલા ફાઇનલ પોલેન્ડની રાજધાની વોર્સોના નેશનલ સ્ટેડિયમમાં

યોજાશે. આ સાથે, યુઈએફએએ પણ જાહેરાત કરી

કે આવતા વર્ષની સુપર કપ મેચ ઓસ્ટ્રિયાના સાલ્ઝબર્ગમાં રમાશે.

યુઈએફએ અનુસાર, 2026 ની પુરુષોની ચેમ્પિયન્સ લીગની ફાઇનલ બુડાપેસ્ટના પુષ્કાસ

એરેના ખાતે અને મહિલાઓની ફાઇનલ નોર્વેના ઓસ્લોના ઉલેવાલ સ્ટેડિયમ ખાતે યોજાશે.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / માધવી વ્યાસ