નવી દિલ્હી, 4 સપ્ટેમ્બર (હિ.સ.). આર્થિક સુધારાઓને નવી દિશા આપવાના ઉદ્દેશ્યથી જીએસટી દરોમાં ફેરફાર અંગે જીએસટી કાઉન્સિલના નિર્ણયો પર પ્રધાનમંત્રી નરેન્દ્ર મોદીએ ખુશી વ્યક્ત કરી છે. અગાઉ, જીએસટી કાઉન્સિલે સર્વાનુમતે 12 અને 28 ટકાના સ્લેબને નાબૂદ કરવાના નિર્ણયને મંજૂરી આપી હતી.

આ અંગે, પ્રધાનમંત્રી મોદીએ સોશિયલ મીડિયા પ્લેટફોર્મ એક્સ પર લખ્યું હતું કે, સ્વતંત્રતા દિવસના ભાષણ દરમિયાન તેમણે જીએસટીમાં સુધારા વિશે વાત કરી હતી. જીએસટી દરોમાં ફેરફારનો સીધો લાભ સામાન્ય માણસ, ખેડૂતો અને મધ્યમ વર્ગને મળશે. આ નિર્ણય મોંઘવારી સામે ઝઝૂમી રહેલા સામાન્ય લોકો માટે રાહત અને અર્થતંત્રને મજબૂત બનાવવા માટેનું એક પગલું સાબિત થઈ શકે છે.

પોતાની પોસ્ટમાં તેમણે લખ્યું હતું કે, સામાન્ય લોકોનું જીવન સરળ બનાવવા અને અર્થતંત્રને મજબૂત બનાવવાના ઉદ્દેશ્યથી, કેન્દ્ર સરકારે જીએસટી દરોને તર્કસંગત બનાવવા માટે એક વિગતવાર ડ્રાફ્ટ તૈયાર કર્યો હતો. તેમણે ખુશી વ્યક્ત કરી કે, કેન્દ્ર અને રાજ્યોની જીએસટી કાઉન્સિલે જીએસટી દરોમાં ઘટાડા અને સુધારા અંગે કેન્દ્ર સરકારના ડ્રાફ્ટને સામૂહિક મંજૂરી આપી છે.

હિન્દુસ્થાન સમાચાર / સંજીવ પાશ

હિન્દુસ્થાન સમાચાર / માધવી વ્યાસ