નવી દિલ્હી, 5 સપ્ટેમ્બર (હિ.સ.). ભારત અને રશિયા ચીન સાથે જશે, તેવા અમેરિકન રાષ્ટ્રપતિ ડોનાલ્ડ ટ્રમ્પના નિવેદન પર વિદેશ મંત્રાલયે પ્રતિક્રિયા આપવાનો ઇનકાર કર્યો છે. વિદેશ મંત્રાલયના પ્રવક્તાએ કહ્યું છે કે, તેમની પાસે આ મુદ્દા પર ટિપ્પણી કરવા માટે કંઈ નથી.

વિદેશ મંત્રાલયના પ્રવક્તા રણધીર જયસ્વાલે, શુક્રવારે સાપ્તાહિક પ્રેસ કોન્ફરન્સમાં ઘણા મુદ્દાઓ પર ભારતનો અભિપ્રાય વ્યક્ત કર્યો હતો. અમેરિકન રાષ્ટ્રપતિના સલાહકાર પીટર નવારોના તાજેતરના ભારત વિરોધી અને જાતિવાદી નિવેદનો અંગે તેમણે કહ્યું કે, અમે તેમના ખોટા અને ભ્રામક નિવેદનો જોયા છે અને તેમને સ્પષ્ટપણે નકારી કાઢ્યા છે.

ઉલ્લેખનીય છે કે, અમેરિકી રાષ્ટ્રપતિ ડોનાલ્ડ ટ્રમ્પે આજે એક સોશિયલ મીડિયા પોસ્ટમાં કહ્યું હતું કે, એવું લાગે છે કે અમે ભારત અને રશિયાને, સૌથી ઊંડા, સૌથી અંધકારમય ચીન સામે ગુમાવી દીધા છે. આ પછી, તેમણે કટાક્ષમાં ત્રણેય દેશો માટે સમૃદ્ધ ભવિષ્યની શુભેચ્છા પાઠવી.

તે જ સમયે, પ્રવક્તાએ ક્વાડ સમિટ પર પણ પ્રતિક્રિયા આપી. ક્વાડ ભારત, ઓસ્ટ્રેલિયા, જાપાન અને અમેરિકાનું જોડાણ છે. પ્રવક્તાએ જણાવ્યું હતું કે, ક્વાડ ઘણા ક્ષેત્રોમાં સહિયારા હિતોની ચર્ચા કરવા માટે એક મૂલ્યવાન પ્લેટફોર્મ છે. નેતાઓની સમિટ ચાર ભાગીદારો વચ્ચે રાજદ્વારી પરામર્શ દ્વારા સુનિશ્ચિત થયેલ છે.

હિન્દુસ્થાન સમાચાર / અનૂપ શર્મા / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ