પટણા, નવી દિલ્હી, 6 સપ્ટેમ્બર (હિ.સ.). રાષ્ટ્રીય તપાસ એજન્સી (એનઆઈએ) ની ટીમે ગઈકાલે મોડી રાત્રે બિહારના ગયાજીથી ખાલિસ્તાની સરનજીત ઉર્ફે સનીની ધરપકડ કરી છે.

લાંબા સમયથી ફરાર સરનજીત આ દિવસોમાં પોતાની ઓળખ છુપાવીને બિહારમાં રહેતો હતો. ઇનપુટ મળ્યા બાદ, એનઆઈએ ટીમે મોડી રાત્રે દરોડો પાડીને તેની ધરપકડ કરી હતી.

એનઆઈએ ટીમને તાજેતરમાં જ સરનજીત બિહારમાં સક્રિય હોવાની માહિતી મળી હતી. ત્યારબાદ ટીમ સતત તેની ગતિવિધિઓ પર નજર રાખી રહી હતી. શુક્રવારે મોડી રાત્રે, એનઆઈએ ટીમે જિલ્લાના શેરઘાટી પોલીસ સ્ટેશન વિસ્તારના ગોપાલપુર ગામ નજીક રાષ્ટ્રીય ધોરીમાર્ગ પર દરોડો પાડીને સરનજીતની ધરપકડ કરી હતી. દરોડા દરમિયાન શેરઘાટી પોલીસ પણ સ્થળ પર હાજર હતી.

ધરપકડ બાદ, એનઆઈએ ટીમ શનિવારે સવારે સરનજીતને લઈને ગયાજીથી ચંદીગઢ જવા રવાના થઈ હતી. શેરઘાટી પોલીસ સ્ટેશનના ઇન્ચાર્જ અજિત કુમારે જણાવ્યું હતું કે સરનજીતની ધરપકડ કર્યા પછી, એનઆઈએ ટીમ આજે સવારે તેની સાથે ચંદીગઢ જવા રવાના થઈ હતી. એનઆઈએ ચંદીગઢમાં તેની પૂછપરછ કરશે.

હિન્દુસ્થાન સમાચાર / ગોવિંદ ચૌધરી / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ