રાજૌરી, નવી દિલ્હી, 8 જાન્યુઆરી (હિ.સ.): જમ્મુ અને કાશ્મીરના રાજૌરી જિલ્લાના કલ્લર વન વિસ્તારમાં, સંયુક્ત ઘેરાબંધી અને શોધખોળ કામગીરી દરમિયાન સુરક્ષા દળોએ શંકાસ્પદ ઇમ્પ્રુવાઇઝ્ડ વિસ્ફોટક ઉપકરણ (આઈઈડી) ને શોધી કાઢ્યું અને સુરક્ષિત રીતે નિષ્ક્રિય કર્યું.

અધિકારીઓએ ગુરુવારે જણાવ્યું હતું કે, થન્નામંડીમાં ડોરી માલના કલ્લર વન વિસ્તારમાં શંકાસ્પદ પ્રવૃત્તિની માહિતી મળ્યા બાદ બુધવારે સેના અને પોલીસે સંયુક્ત કાર્યવાહી શરૂ કરી હતી. તેમણે જણાવ્યું હતું કે, સર્ચ ઓપરેશન દરમિયાન, કેટલીક શંકાસ્પદ સામગ્રી મળી આવી હતી, જેની સુરક્ષા દળોએ સંપૂર્ણ તપાસ કરી અને આશરે ચાર કિલોગ્રામ વજનના શંકાસ્પદ આઈઈડી તરીકે ઓળખ કરી. તેમણે કહ્યું કે, આઈઈડી ને બાદમાં નિયંત્રિત પદ્ધતિનો ઉપયોગ કરીને નાશ કરવામાં આવ્યો હતો. સ્થળ પરથી કેટલાક ખાલી શેલ પણ મળી આવ્યા હતા અને જપ્ત કરવામાં આવ્યા હતા. તેમણે કહ્યું કે વિસ્તારની સંપૂર્ણ શોધ ચાલી રહી છે અને કાર્યવાહી ચાલુ છે.

હિન્દુસ્થાન સમાચાર / બલવાન સિંહ / મુકુંદ

હિન્દુસ્થાન સમાચાર / ડો.હિતેશ એન.વ્યાસ