ચંડીગઢ, નવી દિલ્હી, 20 ઓક્ટોબર (હિ.સ.) પંજાબના મુખ્યમંત્રી ભગવંત સિંહ માને, કેન્દ્રીય મંત્રી અમિત શાહના પંજાબ આગમન પહેલા પરમિંદર સિંહ ઝોટા હત્યા કેસની તપાસ સેન્ટ્રલ બ્યુરો ઓફ ઇન્વેસ્ટિગેશન (સીબીઆઈ)ને સોંપવાનો નિર્ણય લીધો છે.

મુખ્યમંત્રીએ એક્સ-પોસ્ટ દ્વારા આ માહિતી શેર કરી. તેમણે જણાવ્યું હતું કે, સરકાર પરમિંદર સિંહ ઝોટાના પિતા અને તેમના પરિવાર સાથે મજબૂત રીતે ઉભી છે કારણ કે તેઓ ડ્રગ્સના દુરૂપયોગ સામે લડી રહ્યા છે.

મુખ્યમંત્રીએ પોતાની પોસ્ટમાં જણાવ્યું હતું કે, પરિવારની માંગના જવાબમાં આ કેસ સીબીઆઈને સોંપવામાં આવી રહ્યો છે. તેમણે ડ્રગના દાણચોરો સામે લડત ચાલુ રાખવાની પ્રતિબદ્ધતા વ્યક્ત કરી અને કહ્યું કે સરકાર પંજાબને ડ્રગ મુક્ત બનાવવા માટે કોઈપણ કડક પગલાં લેવામાં અચકાશે નહીં.

હિન્દુસ્થાન સમાચાર / ગુરશરન સિંહ / મુકુન્દ

હિન્દુસ્થાન સમાચાર / ડો.હિતેશ એન.વ્યાસ