સારબ્રુકેન (જર્મની), નવી દિલ્હી, 29 ઓક્ટોબર (હિ.સ.). ભારતની સ્ટાર બેડમિન્ટન ખેલાડી પીવી સિંધુએ, હાઈલો ઓપન 2026 માં શાનદાર શરૂઆત કરતા યુએઈની પ્રકૃતિ ભરતને સીધા ગેમમાં હરાવીને મહિલા સિંગલ્સના પ્રી-ક્વાર્ટર ફાઇનલમાં પ્રવેશ કર્યો. જ્યારે ભારતની અશ્મિતા ચાલિહાને, પહેલા રાઉન્ડમાં હારનો સામનો કરવો પડ્યો.

બીજી ક્રમાંકિત સિંધુએ રાઉન્ડ ઓફ 32 ની મેચમાં ભરતને માત્ર 28 મિનિટમાં 21-10, 21-10 થી હરાવી. હવે તેમનો મુકાબલો ફ્રાન્સની રોસી ઓક્ટેવિયા પંકસારી સામે થશે.

બે વખતની ઓલિમ્પિક મેડલ વિજેતા સિંધુ ફ્રેન્ચ ઓપન સુપર 750 ટુર્નામેન્ટમાં શાનદાર પ્રદર્શન કર્યા બાદ આ સ્પર્ધામાં ઉતરી છે. તેમણે ફ્રેન્ચ ઓપનના ફાઇનલ સુધીનો પ્રવાસ ખેડ્યો હતો, જ્યાં તેમને વિશ્વની નંબર એક ખેલાડી દક્ષિણ કોરિયાની આન સે યંગ સામે હારનો સામનો કરવો પડ્યો હતો.

અશ્મિતા પહેલા રાઉન્ડમાં હારી.

બીજી તરફ, મહિલા સિંગલ્સમાં ભારતની અશ્મિતા ચાલિહાનો પ્રવાસ પહેલા રાઉન્ડમાં જ સમાપ્ત થઈ ગયો. તેમને બલ્ગેરિયાની કાલોયાના નલબાંતોવાએ 54 મિનિટ સુધી ચાલેલી મેચમાં 18-21, 21-12, 21-8 થી હરાવી.

અશ્મિતાએ પણ પેરિસમાં ફ્રેન્ચ ઓપનમાં સારું પ્રદર્શન કર્યું હતું અને ક્વાર્ટર ફાઇનલ સુધી પહોંચી હતી. આ દરમિયાન તેમણે જાપાનની અકાને યામાગુચીને હરાવીને પ્રભાવિત કર્યા હતા, પરંતુ હાઈલો ઓપનમાં તે પોતાનું પાછલું પ્રદર્શન પુનરાવર્તિત કરી શકી નહીં.

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / માધવી વ્યાસ