નવી દિલ્હી, 31 ઓક્ટોબર (હિ.સ.). જમ્મુ-કાશ્મીરના ઝડપી બોલર આકિબ નબીને, ન્યુઝીલેન્ડ સામેની આગામી એકદિવસીય શ્રેણીના પ્રથમ ત્રણ મુકાબલાઓ માટે ભારતીય ટીમમાં સામેલ કરવામાં આવ્યો છે. ભારતીય ક્રિકેટ કંટ્રોલ બોર્ડ (બીસીસીઆઈ) એ શનિવારે ટીમમાં ફેરફારની જાહેરાત કરી.

જમણા હાથના ઝડપી બોલર આકિબને શરૂઆતમાં શ્રેણીના ચોથા અને પાંચમા એકદિવસીય મુકાબલા માટે ભારતીય ટીમમાં સ્થાન આપવામાં આવ્યું હતું. હવે પસંદગી સમિતિએ તેમને પ્રથમ ત્રણ મેચો માટે પણ ટીમમાં સામેલ કરી લીધા છે. આ ફેરફાર બાદ તે શ્રેણીના શરૂઆતી મુકાબલાથી જ ભારતીય ટીમનો હિસ્સો બનશે.

પ્રથમ ત્રણ એકદિવસીય મુકાબલાઓ માટે સંશોધિત ભારતીય ટીમમાં શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ ઐયર (વાઇસ-કેપ્ટન), કેએલ રાહુલ (વિકેટકીપર), અક્ષર પટેલ, નમન ધીર, અંશુલ કંબોજ, ગુરનૂર બરાર, ઋતુરાજ ગાયકવાડ, અર્શદીપ સિંહ, ઈશાન કિશન (વિકેટકીપર), મોહમ્મદ સિરાજ, કુલદીપ યાદવ, નીતિશ કુમાર રેડ્ડી (ફક્ત પ્રથમ વનડે માટે) અને આકિબ નબીનો સમાવેશ થાય છે.

જ્યારે, શ્રેણીના ચોથા અને પાંચમા એકદિવસીય મુકાબલાઓ માટે જાહેર કરાયેલી ભારતીય ટીમની કેપ્ટનશીપ શ્રેયસ ઐયર કરશે. આ ટીમમાં રોહિત શર્મા, વિરાટ કોહલી, તિલક વર્મા, ઈશાન કિશન (વાઇસ-કેપ્ટન અને વિકેટકીપર), અક્ષર પટેલ, નમન ધીર, આકિબ નબી, ગુરનૂર બરાર, ઋતુરાજ ગાયકવાડ, અર્શદીપ સિંહ, કુમાર કુશાગ્ર (વિકેટકીપર), મોહમ્મદ સિરાજ, યશ ઠાકુર અને કુલદીપ યાદવનો સમાવેશ કરવામાં આવ્યો છે.

આ રીતે આકિબ નબી, હવે પાંચેય એકદિવસીય મુકાબલાઓ માટે ભારતીય ટીમમાં ઉપલબ્ધ રહેશે.

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / ડો.હિતેશ એન.વ્યાસ