- મધ્યપ્રદેશના

મુખ્યમંત્રી ડૉ. યાદવ વર્ચ્યુઅલી ભાગ લેશે.

ભોપાલ, નવી દિલ્હી, 28 ફેબ્રુઆરી (હિ.સ.) પ્રધાનમંત્રી નરેન્દ્ર મોદી આજે, શનિવારે સવારે 11:30 વાગ્યે એચપીવી (હ્યુમન પેપિલોમા વાયરસ) રસીકરણ અભિયાન શરૂ કરશે.

મધ્યપ્રદેશના મુખ્યમંત્રી ડૉ. મોહન યાદવ વર્ચ્યુઅલી ભાગ લેશે અને રાજ્ય સ્તરીય

અભિયાન શરૂ કરશે.

જનસંપર્ક અધિકારી અંકુશ મિશ્રાએ જણાવ્યું હતું કે,” મહિલા

સ્વાસ્થ્ય પરિવારો, સમાજ અને

રાષ્ટ્રની પ્રગતિનો પાયો છે. સર્વાઇકલ કેન્સર ભારતમાં મહિલાઓમાં બીજા ક્રમનું સૌથી

ઘાતક કેન્સર છે. આ ગંભીર રોગને રોકવા માટે, ભારત સરકાર રાષ્ટ્રવ્યાપી એચપીવી (હ્યુમન પેપિલોમા વાયરસ) રસીકરણ અભિયાન શરૂ કરી રહી છે.

પ્રધાનમંત્રી આજે રાજસ્થાનના અજમેર જિલ્લામાંથી આ રાષ્ટ્રીય અભિયાન શરૂ કરશે.”

તેમણે માહિતી આપી હતી કે,” આ અભિયાન આગામી ત્રણ મહિના સુધી

સમગ્ર દેશમાં ચલાવવામાં આવશે. બધા રાજ્યો અને કેન્દ્રશાસિત પ્રદેશો વર્ચ્યુઅલી

કાર્યક્રમમાં જોડાશે. મધ્યપ્રદેશના નાયબ મુખ્યમંત્રી રાજેન્દ્ર શુક્લા ભોપાલના ડૉ.

કૈલાશનાથ કાટજુ હોસ્પિટલ ખાતે આ અભિયાનનો પ્રારંભ કરશે.”

જનસંપર્ક અધિકારીના જણાવ્યા અનુસાર,”14 વર્ષ પૂર્ણ

કરનાર અને 15 વર્ષથી ઓછી ઉંમરની છોકરીઓ, આ અભિયાન હેઠળ રસીકરણ માટે પાત્ર રહેશે.

ઝુંબેશ શરૂ થયાના 9૦ દિવસની અંદર 15 વર્ષની થનારી છોકરીઓ પણ પાત્ર રહેશે. આ રસીકરણ

સંપૂર્ણપણે સ્વૈચ્છિક છે,

અને માતાપિતાની

સંમતિ ફરજિયાત છે. ૦.5 મિલીનો એક માત્રા ઇન્ટ્રામસ્ક્યુલર ઇન્જેક્શન દ્વારા

સૂચવ્યા મુજબ આપવામાં આવશે. એચપીવી રસીકરણ ફક્ત

સરકારી આરોગ્ય કેન્દ્રો (આયુષ્માન આરોગ્ય મંદિર), પ્રાથમિક આરોગ્ય કેન્દ્રો, સામુદાયિક આરોગ્ય

કેન્દ્રો, પેટા-આરોગ્ય

કેન્દ્રો, જિલ્લા હોસ્પિટલો

અને સરકારી તબીબી કોલેજોમાં જ આપવામાં આવશે જ્યાં તબીબી અધિકારીઓ ઉપલબ્ધ હોય.

રસીકરણ પછી, છોકરીનું ૩૦

મિનિટ સુધી નિરીક્ષણ કરવામાં આવશે. ઝુંબેશ સમયગાળા દરમિયાન દરરોજ રસીકરણ આપવામાં

આવશે.”

હિન્દુસ્થાન સમાચાર / મુકેશ તોમર / નેહા પાંડે

હિન્દુસ્થાન સમાચાર / ડો.હિતેશ એન.વ્યાસ