ઇમ્ફાલ, નવી દિલ્હી, 28 માર્ચ (હિ.સ.) મણિપુરમાં પ્રતિબંધિત સંગઠનો વિરુદ્ધ ચાલુ અભિયાનોમાં સુરક્ષા દળોને સતત સફળતા મળી રહી છે. મણિપુર પોલીસ મુખ્યાલય દ્વારા આજે આપવામાં આવેલી સત્તાવાર માહિતી મુજબ, રાજ્યના વિવિધ વિસ્તારોમાં છેલ્લા 24 કલાક દરમિયાન અલગ-અલગ પ્રતિબંધિત સંગઠનોના કુલ આઠ કેડરોની ધરપકડ કરવામાં આવી છે.

પ્રથમ અભિયાનમાં સુરક્ષા દળોએ શુક્રવારે પ્રતિબંધિત સંગઠન યુએનએલએફ (પી)ના એક સક્રિય કેડર થોંગબમ પ્રેમજીત સિંહ (49)ની ધરપકડ કરાઈ હતી. તે પશ્ચિમ ઇમ્ફાલ જિલ્લાના થાંગમેઇબંદ કાબરાબમ લેઇકાઈનો રહેવાસી છે. તેને તેના ઘરેથી જ ઝડપી લેવામાં આવ્યો હતો. ધરપકડ કરાયેલા આરોપી પર 2022ની શરૂઆતમાં સગોલબંદ તાખેલંબમ લેઇકાઈ વિસ્તારમાં થયેલા બોમ્બ વિસ્ફોટ સંબંધિત ઇમ્ફાલ પોલીસ સ્ટેશનમાં નોંધાયેલી એફઆઈઆરનો આરોપ છે. તેના પાસેથી એક મોબાઇલ ફોન અને એક આધાર કાર્ડ જપ્ત કરવામાં આવ્યા છે.

બીજા અભિયાનમાં સુરક્ષા દળોએ પ્રતિબંધિત સંગઠન આરપીએફ/પીએલએના એક સક્રિય કેડર ચિંગાખામ નોંગપોકંગનબા મૈતેઈ (21)ની ધરપકડ કરાઈ હતી, જે ઇમ્ફાલ પૂર્વ જિલ્લાના લામલાઈ પોલીસ સ્ટેશન હેઠળના તાખેલ અવાંગ લેઇકાઈનો રહેવાસી છે. તેને તેના વિસ્તારમાંથી જ ઝડપી લેવામાં આવ્યો હતો. તેના પાસેથી એક મોબાઇલ ફોન જપ્ત કરવામાં આવ્યો છે.

ત્રીજા અભિયાનમાં સુરક્ષા દળોએ તેંગનૌપાલ જિલ્લાના મોરેહ પોલીસ સ્ટેશન વિસ્તારમાં આંતરરાષ્ટ્રીય સરહદ પોસ્ટ 73 અને 74 વચ્ચે પ્રતિબંધિત સંગઠન કેસીપી અને કેયવાયકેએલના એક-એક કેડરની ધરપકડ કરી. ધરપકડ કરાયેલા કેડરોની ઓળખ કેસીપીના અંગોમ લેમ્બા મૈતેઈ ઉર્ફે લિકલઈગમ્બા (26) તરીકે થઈ છે, જે ઇમ્ફાલ પૂર્વ જિલ્લાના ટોપ મોઇરાંગ કામ્પૂનો રહેવાસી છે. જ્યારે કેયવાયકેએલના કેડર યુમનામ બોની મૈતેઈ ઉર્ફે યૈતમ્બા (42) તરીકે ઓળખ થયો છે, જે ઇમ્ફાલ પશ્ચિમ જિલ્લાના કાચિખુનનો રહેવાસી છે.

આ જ શ્રેણીમાં ગયા ગુરુવારે સુરક્ષા દળોએ તેંગનૌપાલ જિલ્લાના મોરેહ પોલીસ સ્ટેશન વિસ્તારમાં આંતરરાષ્ટ્રીય સરહદ પોસ્ટ 78 અને 79 વચ્ચે પ્રતિબંધિત સંગઠન પીએલએના એક સક્રિય સભ્યની ધરપકડ કરાઈ હતી. કેડરની ઓળખ કાકચિંગ જિલ્લાના કાકચિંગ ખુનૌના રહેવાસી ચોંગથમ નાનાવ સિંહ ઉર્ફે ખુનૌ (29) તરીકે થઈ છે.

તેમજ ગુરુવારે જ સુરક્ષા દળોએ ઇમ્ફાલ પૂર્વ જિલ્લાના વિવિધ વિસ્તારોમાંથી પ્રતિબંધિત સંગઠન પીએલએ/આરપીએફના ત્રણ કેડરોની ધરપકડ કરી હતી. આ પર ઇમ્ફાલ વિસ્તારમાં વેપારીઓને નિશાન બનાવીને આઈઈડી વિસ્ફોટોની યોજના બનાવવામાં સામેલ હોવાનો આરોપ છે. ધરપકડ કરાયેલા કેડરોની ઓળખ ફંજૌબમ રબી મૈતેઈ ઉર્ફે લુવાંગમ્બા (28), મો. રૂવાજ આરિફ ઉર્ફે બાબુલ (23), મો. અબ્દુલ હકીમ ઉર્ફે ઇનાઓચા (35) તરીકે થઈ છે. તેમના પાસેથી ત્રણ આઈઈડી, આશરે 2.47 કિલોગ્રામ ટી.એન.ટી., બે ડેટોનેટર, બે ટાઈમર અને ત્રણ મોબાઇલ ફોન સહિતની સામગ્રી જપ્ત કરવામાં આવ્યા છે

હિન્દુસ્થાન સમાચાર / અરવિંદ રાય / શ્રીપ્રકાશ / મુકુંદ

હિન્દુસ્થાન સમાચાર / ડો.હિતેશ એન.વ્યાસ