કાર્બી આંગલોંગ (આસામ), નવી દિલ્હી, 06 માર્ચ (હિ.સ.)

ગુરુવારે મોડી સાંજે આસામના કાર્બી આંગલોંગ જિલ્લાના પહાડી વિસ્તારમાં, સુખોઈ-૩૦ એમકેઆઈ

ફાઇટર એરક્રાફ્ટ ક્રેશ થતાં બંને પાઇલટના મોત થયા. તેમની ઓળખ સ્ક્વોડ્રન લીડર અનુજ

અને કો-પાઇલટ લેફ્ટનન્ટ પૂર્વેશ દુરાગકર તરીકે થઈ છે. લેફ્ટનન્ટ પૂર્વેશ આઈએએફફ્લાઇંગ નેવિગેટર

હતા. આઈએએફએ સોશિયલ મીડિયા

દ્વારા અકસ્માતની સત્તાવાર જાહેરાત કરી હતી. બંને વાયુસેનાના મૃતદેહ ક્રેશ સ્થળ

પરથી મળી આવ્યા છે.”

આઈએએફ એક્સ-પોસ્ટેમાં, ભારતીય વાયુસેના (આઈએએફ) એ સ્ક્વોડ્રન લીડર અનુજ અને ફ્લાઇટ લેફ્ટનન્ટ પૂર્વેશ

દુરાગકરના મૃત્યુની જાહેરાત કરી હતી. તેમાં જણાવાયું છે કે,” સુખોઈ-૩૦ ક્રેશમાં

બંનેને ગંભીર ઇજાઓ થઈ છે. આઈએએફએ જણાવ્યું હતું કે, આ દુઃખના સમયમાં ભારતીય વાયુસેનાના

તમામ કર્મચારીઓ શોક વ્યક્ત કરે છે અને શોકગ્રસ્ત પરિવારો સાથે મજબૂત રીતે ઉભા છે.”

આ અકસ્માત ગુરુવારે રાત્રે 7 વાગ્યાની આસપાસ થયો હતો. વિમાન

સાથે સંપર્ક તૂટી ગયા બાદ,

જોરહાટ

વાયુસેનાની ટીમ ક્રેશ સ્થળ પર પહોંચી અને તપાસ શરૂ કરી. વાયુસેનાની ટીમને

ઘટનાસ્થળે પહોંચવામાં લગભગ ચાર કલાક લાગ્યા. જોકે, અકસ્માતનું કારણ હજુ સુધી જાણી શકાયું નથી.

એવું કહેવામાં આવી રહ્યું છે કે,” જોરહાટથી ટેકઓફ કર્યા પછી

તરત જ વિમાન કાર્બી આંગલોંગ જિલ્લાના એક દૂરના પર્વતીય વિસ્તારમાં ક્રેશ થયું

હતું. જોરદાર અવાજથી આસપાસના ગામડાઓમાં લોકોમાં ભય ફેલાયો હતો. માહિતી મળતાં, પોલીસ અધિકારીઓએ

તાત્કાલિક શોધ અને બચાવ કામગીરી શરૂ કરી. આ અકસ્માત કાર્બી આંગલોંગ જિલ્લાના

રંગખેલાના ચોકીહોલાના નીલિપ બ્લોક નજીકના એક દૂરના પર્વતીય વિસ્તારમાં થયો હતો.”

સ્થાનિકોના જણાવ્યા અનુસાર,

“સાંજે 7

વાગ્યાની આસપાસ એક જોરદાર વિસ્ફોટ જેવો અવાજ સંભળાયો, જે આસપાસની

ટેકરીઓમાં ગુંજ્યો અને આસપાસના વસાહતોમાં ગભરાટ ફેલાઈ ગયો.”

પ્રત્યક્ષદર્શીઓએ જણાવ્યું હતું કે,” અવાજ ખૂબ જ જોરથી હતો

અને પર્વતીય પ્રદેશમાં ગુંજતો હતો, જેના કારણે ગ્રામજનોને શંકા ગઈ હતી કે આ વિસ્તારમાં કોઈ

લશ્કરી વિમાન ક્રેશ થયું છે. વિસ્ફોટ પછી તરત જ કેટલાક લોકોએ ટેકરીઓમાંથી ધુમાડો

નીકળતો જોયો.”

સૂત્રોએ જણાવ્યું હતું કે,” વિમાન સુખોઈ-30 એમકેઆઈ ફાઇટર જેટ

હતું, જે સાંજે જોરહાટથી ઉડાન ભરી હતી. દુર્ઘટના સ્થળ જંગલી અને ડુંગરાળ

વિસ્તારમાં આવેલું છે, જે માનવ વસવાટથી

દૂર છે, જેના કારણે લોકો

માટે તાત્કાલિક ઘટનાસ્થળે પહોંચવું મુશ્કેલ બને છે.”

હિન્દુસ્થાન સમાચાર / અરવિંદ રાય / મુકુંદ

હિન્દુસ્થાન સમાચાર / ડો.હિતેશ એન.વ્યાસ