નવી દિલ્હી, 6 માર્ચ (હિ.સ.): પ્રધાનમંત્રી નરેન્દ્ર મોદીએ, દ્રઢ સંકલ્પ અને સતત મહેનતની શક્તિ પર પ્રકાશ પાડતા સંસ્કૃત સુભાષિતાનો ઉલ્લેખ કર્યો. તેમણે કહ્યું કે, ભારતના લોકો તેમના અટલ સંકલ્પ દ્વારા સૌથી મુશ્કેલ કાર્યોને પણ શક્ય બનાવી શકે છે. શુક્રવારે એક એક્સ-પોસ્ટમાં, પ્રધાનમંત્રીએ જણાવ્યું હતું કે જ્યારે લોકો યોગ્ય દિશામાં સતત પ્રયાસ કરે છે, ત્યારે તેઓ સૌથી મહાન લક્ષ્યો પણ પ્રાપ્ત કરી શકે છે.

આ સંદર્ભમાં, તેમણે એક સંસ્કૃત સુભાષિત શેર કર્યું :

“यद् दूरं यद् दुराध्यं यच्च दूरे सत्यम्। तत् सर्वं तपसा साध्यं तपो हि दुरतिक्रमम्॥”

આ સુભાષિતાનો અર્થ એ છે કે, લક્ષ્ય ગમે તેટલું દૂર કે મુશ્કેલ લાગે, તે દ્રઢ સંકલ્પ, ધીરજ અને સતત મહેનત દ્વારા પ્રાપ્ત કરી શકાય છે. તેમના સંદેશમાં, પ્રધાનમંત્રીએ લખ્યું કે, ભારતના લોકો તેમના નિશ્ચય દ્વારા કોઈપણ કાર્યને શક્ય બનાવી શકે છે અને યોગ્ય દિશામાં સખત મહેનત કરીને, તેઓ સૌથી મહાન લક્ષ્યો પણ પ્રાપ્ત કરી શકે છે.

હિન્દુસ્થાન સમાચાર/માધવી ત્રિપાઠી/મુકુંદ

હિન્દુસ્થાન સમાચાર / ડો.હિતેશ એન.વ્યાસ