ચરાઈદેવ (આસામ), નવી દિલ્હી, 5 એપ્રિલ (હિ.સ.). જેમ જેમ આસામ વિધાનસભાની ચૂંટણી નજીક આવી રહી છે, તેમ તેમ હિંસાના બનાવો વધી રહ્યા છે. ચરાઈદેવ જિલ્લામાંથી એક ભયાનક ઘટના સામે આવી છે, જ્યાં એક ભાજપ કાર્યકરને લાકડીઓ વડે માર મારીને હત્યા કરવામાં આવી હતી.

પોલીસે રવિવારે જણાવ્યું હતું કે, મૃતકની ઓળખ ખુદકન બોરા તરીકે થઈ છે, તે ચૂંટણી પ્રચાર કરી રહ્યો હતો. એવો આરોપ છે કે, જય ભારત પાર્ટીના સમર્થકોએ તેના પર હુમલો કર્યો હતો, જેમાં તેનું ઘટનાસ્થળે જ મોત થયું હતું. સૂત્રો કહે છે કે, જય ભારત પાર્ટીના સમર્થક તિલેશ્વર મુર્મુ પર હત્યા કરવાનો આરોપ મૂકવામાં આવ્યો છે. આ ઘટના બાદ, સોનારી વિધાનસભા મતવિસ્તારમાં તણાવપૂર્ણ પરિસ્થિતિ પ્રવર્તી રહી છે.

આ ઘટના પર પ્રતિક્રિયા આપતા, સોનારીના ધારાસભ્ય ધર્મેશ્વર કોંવરે તેને અત્યંત દુર્ભાગ્યપૂર્ણ ગણાવ્યું. તેમણે કહ્યું કે રસ્તા પર એક કાર્યકરને રોકીને તેને માર મારવો અસ્વીકાર્ય છે.

વિસ્તારના લોકોએ આ ઘટનાની સખત નિંદા કરી છે. ચૂંટણીને ધ્યાનમાં રાખીને કડક પોલીસ દેખરેખ હોવા છતાં, આવી ઘટનાઓથી લોકોમાં ગુસ્સો ફેલાયો છે. પોલીસે મુખ્ય આરોપીની ધરપકડ કરી છે અને તેમની પૂછપરછ શરૂ કરી છે, જ્યારે સ્થાનિક રહેવાસીઓએ ગુનેગારોને કડક સજા આપવાની માંગ કરી છે.

હિન્દુસ્થાન સમાચાર/શ્રીપ્રકાશ/સંજીવ પાશ

હિન્દુસ્થાન સમાચાર / માધવી વ્યાસ