ગૌહાટી, નવી દિલ્હી, 7 એપ્રિલ (હિ.સ.). મંગળવારે બપોરે આસામમાં ભૂકંપ આવ્યો. આ ભૂકંપ બપોરે 2:18:31 વાગ્યે અનુભવાયો.

ભારતીય ભૂકંપ વિજ્ઞાન કેન્દ્ર અનુસાર, ભૂકંપની તીવ્રતા રિક્ટર સ્કેલ પર 4.8 ની હતી. તેનું કેન્દ્રબિંદુ આસામના હૈલાકાંડી જિલ્લામાં ભૂગર્ભમાં લગભગ 5 કિલોમીટરની ઊંડાઈએ હતું. ભૂકંપનું કેન્દ્રબિંદુ 24.823 ઉત્તર અક્ષાંશ અને 92.634 પૂર્વ રેખાંશ પર નોંધાયું હતું.

ભૂકંપના આંચકા અનુભવાતા જ લોકો ગભરાટમાં ઘરોમાંથી બહાર દોડી આવ્યા. જોકે, કોઈ જાનમાલના નુકસાનના કોઈ અહેવાલ નથી.

વહીવટીતંત્ર પરિસ્થિતિ પર નજર રાખી રહ્યું છે અને લોકોને સતર્ક રહેવાની તાકીદ કરવામાં આવી છે.

હિન્દુસ્થાન સમાચાર / અરવિંદ રાય / શ્રીપ્રકાશ / ઉદય કુમાર સિંહ

હિન્દુસ્થાન સમાચાર / માધવી વ્યાસ