અમરેલી, 04 મે (હિ.સ.) લાઠી તાલુકાના લીખાળા ગામે દુધરેજીયા પરિવારના આંગણે આયોજિત સંત ભંડારા પ્રસંગે આધ્યાત્મિક માહોલ સર્જાયો હતો. આ પવિત્ર પ્રસંગે માનવ મંદિરના પૂજ્ય ભક્તિરામ બાપુ નું ગ્રામજનો દ્વારા ભાવભેર સન્માન કરવામાં આવ્યું હતું.

કાર્યક્રમ દરમિયાન મોટી સંખ્યામાં ભક્તજનો, આગેવાનો અને ગામલોકો ઉપસ્થિત રહ્યા હતા. સંત ભંડારા પ્રસંગે ભજન-કીર્તન અને ધાર્મિક પ્રવચનો દ્વારા ભક્તિમય વાતાવરણ સર્જાયું હતું. પૂ. Bhakti Bapuએ પોતાના આશીર્વચનમાં માનવસેવા, એકતા અને સદાચારના માર્ગ પર ચાલવાની પ્રેરણા આપી હતી. તેમણે જણાવ્યું કે સમાજમાં સકારાત્મક પરિવર્તન લાવવા માટે સૌએ મળીને કાર્ય કરવું જરૂરી છે.

દુધરેજીયા પરિવાર દ્વારા કરવામાં આવેલ આ આયોજનમાં ભોજન પ્રસાદની પણ સુંદર વ્યવસ્થા કરવામાં આવી હતી, જેમાં મોટી સંખ્યામાં લોકોએ પ્રસાદ ગ્રહણ કર્યો હતો. સમગ્ર કાર્યક્રમ શ્રદ્ધા અને ભક્તિથી પરિપૂર્ણ રહ્યો હતો.

ગામલોકોએ જણાવ્યું કે આવા ધાર્મિક કાર્યક્રમો સમાજમાં એકતા અને સદભાવના વધારવામાં મહત્વપૂર્ણ ભૂમિકા ભજવે છે. આ પ્રસંગે પૂ. Bhakti Bapuના સન્માનથી સમગ્ર ગામમાં આનંદ અને ઉત્સાહનો માહોલ જોવા મળ્યો હતો.

---------------

હિન્દુસ્થાન સમાચાર / Gondaliya Abhishek Nandrambhai