નવી દિલ્હી, 02 જૂન (હિ.સ.) રામ ચરણ, જાહ્નવી કપૂર અને જગપતિ બાબુ અભિનીત, બહુપ્રતીક્ષિત ફિલ્મ 'પેદ્દી'નું નવું ગીત 'માસ્સા માસ્સા' રિલીઝ થઈ ગયું છે. એ.આર. રહેમાનના સંગીતથી સજ્જ આ ગીતમાં રામ ચરણનો દમદાર પહેલવાન અવતાર જોવા મળી રહ્યો છે. ગીતમાં ફિલ્મના શાનદાર દ્રશ્યોની સાથે-સાથે પડદા પાછળની ઝલક પણ સામેલ છે, જે આ પાત્ર માટે અભિનેતાની મહેનત અને સમર્પણને દર્શાવે છે. રિલીઝની સાથે જ આ ગીત સામાજિક માધ્યમો પર ચર્ચાનો વિષય બની ગયું છે.

ફિલ્મનું પૂર્વાવલોકન પહેલાથી જ દર્શકોમાં ઉત્સાહ વધારી ચૂક્યું છે, જેમાં રામ ચરણ ત્રણ અલગ-અલગ રમતવીર અવતારો, ક્રિકેટ ખેલાડી, દોડવીર અને પહેલવાનમાં નજર આવ્યા હતા. 'માસ્સા માસ્સા' તેમના પહેલવાન પાત્રને વધુ નજીકથી રજૂ કરે છે. રકીબ આલમના લખેલા બોલ અને નિતેશ અહેરના અવાજમાં સજ્જ આ ગીત ફિલ્મના પ્રચાર અભિયાનનું નવું આકર્ષણ બનીને સામે આવ્યું છે. આ પહેલા રિલીઝ થયેલા 'ચિકિરી ચિકિરી', 'રાઈ રાઈ રા રા' અને 'હેલ્લાલ્લાલ્લો' જેવા ગીતોને પણ દર્શકોનો ભરપૂર પ્રેમ મળી ચૂક્યો છે.

બુચી બાબુ સનાના નિર્દેશનમાં બનેલી 'પેદ્દી'માં, રામ ચરણ એક ક્રોસઓવર રમતવીરની ભૂમિકા ભજવી રહ્યા છે. ફિલ્મમાં જાહ્નવી કપૂર, શિવા રાજકુમાર, જગપતિ બાબુ, દિવ્યેન્દુ શર્મા અને રવિ કિશન પણ મહત્વપૂર્ણ ભૂમિકાઓમાં છે. એ.આર. રહેમાનના સંગીત અને ભવ્ય તકનીકી ટીમથી સજ્જ આ ફિલ્મ 4 જૂન 2026ના રોજ દુનિયાભરના સિનેમાઘરોમાં રિલીઝ થવા જઈ રહી છે, જ્યારે તેનું વિશ્વ પ્રીમિયર 3 જૂને થશે.

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / માધવી વ્યાસ