સેન્ટ લુઈસ, નવી દિલ્હી, 13 ઓગસ્ટ (હિ.સ.) ભારતના યુવા ગ્રાન્ડમાસ્ટર આર. પ્રજ્ઞાનાનંદની સિંકફીલ્ડ કપ 2026માં અપરાજિત શરૂઆત, ત્રીજા રાઉન્ડમાં જર્મનીના વિન્સેન્ટ કીમર સામેની હાર સાથે સમાપ્ત થઈ ગઈ. કાળા મોરચાઓથી રમતા 21 વર્ષીય પ્રજ્ઞાનાનંદને રોમાનિયાના સુપર ચેસ ક્લાસિકના ચેમ્પિયન કીમરે પરાજિત કર્યા.

આ હાર બાદ પ્રજ્ઞાનાનંદ 1.5 અંક સાથે સંયુક્ત રીતે ચોથા સ્થાને સરકી ગયા છે. તેમની સાથે અમેરિકાના ફાબિયાનો કારુઆના, જર્મનીના વિન્સેન્ટ કીમર અને અમેરિકાના સેમ સેવિયન પણ સંયુક્ત ચોથા સ્થાને છે.

અમેરિકાના વેસ્લી સોએ સહનાગરિક ફાબિયાનો કારુઆનાને હરાવીને સ્પર્ધામાં એકમાત્ર આગવી લીડ મેળવી લીધી છે. સોના ખાતામાં 2.5 અંક છે.

ફ્રાન્સના મેક્સિમ વાચિયર-લાગ્રેવ અને અમેરિકાના લેવોન અરોનિયને અનુક્રમે જાવોખિર સિંદારોવ અને જોર્ડન વાન ફોરેસ્ટ સામેની મેચ ડ્રૉ રમી. બંને ખેલાડી ત્રણ રાઉન્ડ બાદ બે-બે અંક સાથે સંયુક્ત બીજા સ્થાને છે.

કૈર્ન્સ કપમાં દિવ્યા ત્રીજા સ્થાને

બીજી તરફ, કૈર્ન્સ કપમાં ભારતની દિવ્યા દેશમુખે શાનદાર પ્રદર્શન કરતાં સ્વિટ્ઝર્લેન્ડની ગ્રાન્ડમાસ્ટર એલેક્ઝાન્ડ્રા કોસ્ટેનિયુકને હરાવીને અંકતાલિકામાં ત્રીજું સ્થાન મેળવી લીધું.

દિવ્યાની આ જીત સાથે તેમના ખાતામાં બે અંક થઈ ગયા છે. બીજી તરફ, કોસ્ટેનિયુકને સતત ત્રીજી હારનો સામનો કરવો પડ્યો અને તેઓ અંકતાલિકામાં પાછળ ધકેલાઈ ગઈ છે.

ચીનની તાન ઝોંગઈ અને અમેરિકાની એલિસ લી 2.5-2.5 અંક સાથે સંયુક્ત રીતે ટોચ પર છે. દિવ્યા હવે સંયુક્ત ટોચના સ્થાનથી માત્ર અડધો અંક પાછળ છે.

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / માધવી વ્યાસ