નવી દિલ્હી, 11 સપ્ટેમ્બર (હિ.સ.). ઈરાનના રાષ્ટ્રપતિ મસૂદ પેજેશ્કિયાન 18મા બ્રિક્સ શિખર સંમેલનમાં ભાગ લેવા માટે શુક્રવારે નવી દિલ્હી પહોંચ્યા. રાષ્ટ્રપતિ બન્યા પછી આ તેમની પ્રથમ ભારત યાત્રા છે. પેજેશ્કિયાન આજે સાંજે વડાપ્રધાન નરેન્દ્ર મોદી સાથે દ્વિપક્ષીય વાટાઘાટો કરશે, જેમાં બંને દેશો વચ્ચે વેપાર વધારવા અને દ્વિપક્ષીય સંબંધોને વધુ મજબૂત કરવા પર ચર્ચા થવાની સંભાવના છે.

ઈરાનના રાષ્ટ્રપતિનું નવી દિલ્હી હવાઈ મથકે કેન્દ્રીય બંદર, જહાજ અને જળમાર્ગ રાજ્યમંત્રી શાંતનુ ઠાકુરે સ્વાગત કર્યું. વિદેશ મંત્રાલયના પ્રવક્તા રણધીર જયસ્વાલે સોશિયલ મીડિયા પ્લેટફોર્મ એક્સ પર પેજેશ્કિયાનનું સ્વાગત કરતા કહ્યું કે, ભારત અને ઈરાન વચ્ચે સભ્યતાગત સંબંધો છે, જે જીવંત સાંસ્કૃતિક અને લોકો વચ્ચેના પરસ્પર સંબંધોથી જોડાયેલા છે.

જયસ્વાલે કહ્યું કે, બ્રિક્સના ભાગીદાર તરીકે ભારત અને ઈરાન સહિયારી પ્રગતિ અને સમૃદ્ધિમાં યોગદાન આપવા માટે સાથે મળીને કામ કરી રહ્યા છે. તેમણે પેજેશ્કિયાનના 18મા બ્રિક્સ શિખર સંમેલનમાં ભાગ લેવા માટે નવી દિલ્હી પહોંચવાનું સ્વાગત કર્યું.

હિન્દુસ્થાન સમાચાર / સુશીલ કુમાર / પવન કુમાર

હિન્દુસ્થાન સમાચાર / માધવી વ્યાસ