શ્રીનગર, નવી દિલ્હી, 12 સપ્ટેમ્બર (હિ.સ.) રાષ્ટ્રીય તપાસ એજન્સી (એનઆઈએ ) એ શનિવારે કાશ્મીરમાં 7 અલગ-અલગ ઠેકાણાઓ પર તલાશી અભિયાન ચલાવ્યું. અધિકારીઓના જણાવ્યા અનુસાર, આ કાર્યવાહી સરહદ પારથી સંબંધિત કથિત આતંકવાદી ષડયંત્રની ચાલી રહેલી તપાસ હેઠળ કરવામાં આવી હતી.

અધિકારીઓ અનુસાર, એનઆઈએ ની ટીમોએ કુલગામમાં 2, બાંદીપોરામાં 3 અને સોપોરમાં 2 સ્થળોએ તલાશી લીધી. અભિયાન દરમિયાન સ્થાનિક પોલીસ અને સુરક્ષા દળોએ એનઆઈએ એનઆઈએ ની ટીમોને જરૂરી સહાય પૂરી પાડી. તપાસમાં પાકિસ્તાન સ્થિત કથિત આતંકવાદી હેન્ડલર્સ અને સ્થાનિક ઓવર-ગ્રાઉન્ડ વર્કર્સ (ઑજીડબલ્યુ) ના નેટવર્કની ભૂમિકાની તપાસ કરવામાં આવી રહી છે. આ લોકો પર કથિત રીતે સરહદ પારથી ઘૂસણખોરી કરનારા આતંકવાદીઓને લોજિસ્ટિકલ અને અન્ય પ્રકારની સહાય પૂરી પાડવાનો શંકા છે.

તપાસ એજન્સી એ જાણવાનો પ્રયાસ કરી રહી છે કે, સ્થાનિક સ્તરે આતંકવાદીઓને કયા પ્રકારની મદદ પૂરી પાડવામાં આવી હતી અને આ નેટવર્ક સાથે સંકળાયેલા અન્ય લોકોની શું ભૂમિકા રહી છે.

અધિકારીએ જણાવ્યું કે, આ મામલો મૂળ રૂપે શ્રીનગરના જકુરા પોલીસ સ્ટેશનમાં નોંધાયેલ એફઆઈઆર નંબર 0024/2026 થી શરૂ થયો હતો. બાદમાં એનઆઈએ એ, આ મામલાને પોતાના સ્તરે ફરીથી નોંધણી કરીને તેને આરસી -02/2026/એનઆઈએ /જમ્મુ તરીકે નોંધ્યો. આ મામલામાં ગેરકાનૂની પ્રવૃત્તિઓ (પ્રતિબંધ) અધિનિયમ, 1967 ની કલમ 23, શસ્ત્ર અધિનિયમ, 1959 ની કલમો 7 અને 25 તથા વિસ્ફોટક પદાર્થ અધિનિયમ, 1908 ની કલમ 4 હેઠળ આરોપો લગાવવામાં આવ્યા છે.

હાલમાં, તલાશી અભિયાન દરમિયાન કયો-કયો સામાન કે દસ્તાવેજો જપ્ત કરવામાં આવ્યા, તેની વિગતવાર માહિતી સામે આવી નથી. અધિકારીઓના જણાવ્યા અનુસાર, તલાશી અને સંભવિત જપ્તી સંબંધિત માહિતી મળ્યા પછી આ મામલામાં આગળની કાર્યવાહી કરવામાં આવશે.

હિન્દુસ્થાન સમાચાર / બલવાન સિંહ / અમરેશ દ્વિવેદી

હિન્દુસ્થાન સમાચાર / ડો.હિતેશ એન.વ્યાસ