નવી દિલ્હી, 18 સપ્ટેમ્બર (હિ.સ.) અભિનેત્રી આલિયા ભટ્ટ અને અભિનેતા રણબીર કપૂરે, વડાપ્રધાન નરેન્દ્ર મોદીના 76મા જન્મદિવસના અવસરે સામાજિક કાર્યોમાં સહયોગ કરવાનો સંકલ્પ લીધો છે. આલિયાએ સોશિયલ મીડિયા પર એક પોસ્ટ શેર કરીને જણાવ્યું કે, તે પોતાના પતિ રણબીર સાથે 'સેવા સંકલ્પ અભિયાન' હેઠળ મુંબઈની 20 શાળાઓના કાયાકલ્પમાં સહયોગ કરશે. અભિનેત્રીએ 17 સપ્ટેમ્બરના રોજ વડાપ્રધાનને જન્મદિવસની શુભકામનાઓ આપતા આ પહેલની જાણકારી શેર કરી.

આલિયાએ લખ્યું કે, 'સેવા સંકલ્પ અભિયાન' સામૂહિક પ્રયાસ અને સમાજ પ્રત્યે પોતાની જવાબદારી નિભાવવાની ભાવનાને સામે લાવે છે. તેમણે કહ્યું કે, આ પહેલને સમર્થન આપતા તે અને રણબીર 20 શાળાઓના કાયાકલ્પનો સંકલ્પ લે છે. તેમના મતે, આ પહેલ બાળકો માટે વધુ સારી શૈક્ષણિક સુવિધાઓ અને શીખવા માટે અનુકૂળ વાતાવરણ તૈયાર કરવામાં મદદ કરશે.

અભિનેત્રીએ જણાવ્યું કે, શાળાઓમાં સુધારાની યોજના સ્થાનિક સ્તરે મળતી ભલામણોના આધારે તૈયાર કરવામાં આવશે. તેનો ઉદ્દેશ્ય બાળકો માટે વધુ સારી અને અનુકૂળ જગ્યા ઉપલબ્ધ કરાવવાનો છે, જ્યાં તેઓ અભ્યાસની સાથે પોતાના ભવિષ્યને વધુ સારી દિશા આપી શકે. વડાપ્રધાન નરેન્દ્ર મોદીના જન્મદિવસ (17 સપ્ટેમ્બર) ના અવસરે શરૂ થયેલું 'સેવા સંકલ્પ અભિયાન' 17 ઓક્ટોબર સુધી ચાલશે. આ હેઠળ જનસેવા, જનભાગીદારી, રક્તદાન, સ્વચ્છતા અને અન્ય સામાજિક ગતિવિધિઓનું આયોજન કરવામાં આવશે.

હિન્દુસ્થાન સમાચાર / લોકેશ ચંદ્ર દુબે / ઉદય કુમાર સિંહ

હિન્દુસ્થાન સમાચાર / ડો.હિતેશ એન.વ્યાસ