ઇમ્ફાલ, નવી દિલ્હી, 26 સપ્ટેમ્બર (હિ.સ.). મણિપુરના ઇમ્ફાલ પૂર્વ જિલ્લામાં સ્પેશિયલ સીડીઓ યુનિટની ટીમોએ, શુક્રવારે નેશનલ રિવોલ્યુશનરી ફ્રન્ટ ઓફ મણિપુર (એનઆરએફએમ)ના બે કથિત સક્રિય સભ્યોની ધરપકડ કરી છે. હાલ, આ મામલે તપાસ ચાલુ છે.

પોલીસના જણાવ્યા અનુસાર, ધરપકડ કરાયેલા આરોપીની ઓળખ લાઈશરામ સુરેશ ઉર્ફે એલ. ટોમ્બા સિંહ (27) તરીકે થઈ છે. તે ઇમ્ફાલ પૂર્વ જિલ્લાના અચનબિગેઈ સ્થિત કોઈરંગેઈ મામાંગ લીકાઈના રહેવાસી લાઈશરામ પામચૌબા સિંહનો પુત્ર છે. તેની ધરપકડ તેના વિસ્તારમાંથી કરવામાં આવી હતી.

તેની નિશાનદેહી પર પોલીસે કથિત રીતે વસૂલવામાં આવેલી 30,500 રોકડ, એક આઇફોન અને એનઆરએફએમ ના પાંચ માંગ-પત્રો જપ્ત કર્યા. આ ઉપરાંત, કાળા રંગની મોટરસાઇકલ પણ જપ્ત કરવામાં આવી, જેનો રજીસ્ટ્રેશન નંબર એમએન 06 એસએ-6260 છે. પોલીસના જણાવ્યા અનુસાર, આ મોટરસાઇકલ વસૂલવામાં આવેલી રકમમાંથી ખરીદવામાં આવી હતી.

પોલીસે જણાવ્યું કે વધુ પૂછપરછમાં સુરેશે તેના સહયોગી નોંગ્રેનખોમ્બા લોઇતોંગબામ (21) વિશે માહિતી આપી. લોઇતોંગબામ, ઇમ્ફાલ પૂર્વ જિલ્લાના કેઇકોલ માયાઈ લીકાઈના રહેવાસી લોઇતોંગબામ લુખોઈ સિંહનો પુત્ર છે અને કથિત રીતે એનઆરએફએમ માટે વિવિધ ગતિવિધિઓ કરતો હતો. તેની પણ તેના નિવાસસ્થાનેથી ધરપકડ કરવામાં આવી.

હિન્દુસ્થાન સમાચાર / શ્રીપ્રકાશ / અમરેશ દ્વિવેદી

હિન્દુસ્થાન સમાચાર / ડો.હિતેશ એન.વ્યાસ