પટણા, નવી દિલ્હી, 6 નવેમ્બર (હિ.સ.). બિહાર વિધાનસભા ચૂંટણીના પહેલા તબક્કા માટે મતદાન આજે સવારે 7 વાગ્યે શરૂ થયું છે. આજે 18 જિલ્લાઓમાં 121 વિધાનસભા બેઠકો માટે મતદાન થઈ રહ્યું છે. પ્રધાનમંત્રી નરેન્દ્ર મોદીએ બિહાર વિધાનસભા ચૂંટણીમાં લોકોને મતદાન કરવા અપીલ કરી છે. તેમણે પોતાની એક્સ પોસ્ટ પર લખ્યું, આજે બિહારમાં લોકશાહીના ઉજવણીનો પહેલો તબક્કો છે. હું વિધાનસભા ચૂંટણીના આ તબક્કાના તમામ મતદારોને પૂરા ઉત્સાહથી મતદાન કરવા વિનંતી કરું છું. આ પ્રસંગે, રાજ્યના મારા બધા યુવા મિત્રોને ખાસ અભિનંદન, જેઓ પહેલી વાર મતદાન કરવા જઈ રહ્યા છે. યાદ રાખો: પહેલા મતદાન, પછી જલપાન.

બીજી તરફ, કેન્દ્રીય કૃષિ રાજ્યમંત્રી રામનાથ ઠાકુરે સમસ્તીપુરના કર્પૂરી ગામમાં બૂથ નંબર 73 પર પહેલા મતદાન કર્યું. મતદાન કર્યા પછી, તેમણે કહ્યું કે, તેઓ વિકાસના નામે મતદાન કરે છે. આજે પણ તેમણે વિકાસના નામે મતદાન કર્યું છે. જિલ્લામાં મતદાનનો પહેલો તબક્કો શરૂ થઈ ગયો છે.

બિહાર સરકારના મંત્રી અને બંકીપુરથી ભાજપના ઉમેદવાર નીતિન નવીને પટનાના દિઘામાં મિલર હાઇ સ્કૂલ, બૂથ નંબર 394 અને 396 ખાતે મતદાન કર્યું. આરજેડી ઉમેદવાર વીણા દેવીએ મોકામા વિધાનસભા મતવિસ્તારમાંથી મતદાન કર્યું.

બિહાર વિધાનસભા ચૂંટણીના પ્રથમ તબક્કા માટે મતદાન શરૂ થતાં, કેન્દ્રીય મંત્રી અને ભાજપ નેતા ગિરિરાજ સિંહે ગુરુવારે લખીસરાયમાં તેમના વતન ગામ, બરહૈયામાં એક મંદિરમાં પ્રાર્થના કરી.

હિન્દુસ્થાન સમાચાર / ગોવિંદ ચૌધરી

હિન્દુસ્થાન સમાચાર / ડો.હિતેશ એન.વ્યાસ