પાટણ, 7 નવેમ્બર (હિ.સ.) : સિધપુરના ત્રણ હોશિયાર યુવાનો — આશુ ચંદ્રપ્રકાશ લુહાણા, વિશાલ સુરેશકુમાર ક્રિપલાણી અને વિનીત ચંધ્રેશકુમાર ખત્રી — એ ભારતની પ્રતિષ્ઠિત ચાર્ટર્ડ એકાઉન્ટન્સી (CA) પરીક્ષા સફળતાપૂર્વક પાસ કરીને શહેરનું નામ ગર્વથી ઊંચું કર્યું છે. તેમની આ સિદ્ધિ માત્ર વ્યક્તિગત જીત નથી, પરંતુ સમગ્ર સિધપુર માટે આનંદ અને પ્રેરણાનો પ્રસંગ બની છે.

આ સફળતા પાછળ તેમના માતા-પિતાનો ત્યાગ, સંસ્કાર અને સતત પ્રોત્સાહન રહેલું છે. વર્ષો સુધી સંતાનોને શિક્ષણ અને આત્મવિશ્વાસ આપનાર માતા-પિતાના ચહેરા પર આજે અપરમિત આનંદ અને ગર્વ ઝળહળે છે. આ સિદ્ધિ પરિવારના સમર્પણ અને અધ્યવસાયનું સાચું પ્રતિફળ છે, જે આવનારી પેઢી માટે પ્રેરણાનું દીપક બની રહેશે. ચાર્ટર્ડ એકાઉન્ટન્સી જેવી કઠોર પરીક્ષામાં સફળતા મેળવવા વર્ષો સુધીનો કેન્દ્રિત અભ્યાસ, સમયનું સંચાલન અને અડગ સચ્ચાઈ જરૂરી હોય છે. આ ત્રણેય યુવાનો એ ગુણોનું ઉત્તમ પ્રદર્શન કરી સિદ્ધિનો શિખર સર કર્યો છે. તેમની આ મહેનત બતાવે છે કે મજબૂત સંકલ્પ અને સતત પ્રયત્નોથી કોઈપણ સપનું સાકાર થઈ શકે છે.

હવે સિધપુરને ત્રણ નવા ચાર્ટર્ડ એકાઉન્ટન્ટ્સનું માર્ગદર્શન મળશે, જે સ્થાનિક ઉદ્યોગો, વેપારીઓ અને સ્ટાર્ટઅપ્સને નાણાકીય અને નીતિ સંબંધિત માર્ગદર્શન આપશે. સમગ્ર સિધપુર સમાજ તેમની આ સિદ્ધિ પર હર્ષ વ્યક્ત કરે છે અને તેમના ઉજ્જવલ ભવિષ્ય માટે હાર્દિક શુભકામનાઓ પાઠવે છે. તેમની સફળતા શહેરના યુવાનોમાં નવા ઉત્સાહ અને આત્મવિશ્વાસનું સંચાર કરશે.

હિન્દુસ્થાન સમાચાર / હાર્દિક રાઠોડ