નવી દિલ્હી, 31 ડિસેમ્બર (હિ.સ.). રાષ્ટ્રપતિ દ્રૌપદી મુર્મુએ, બુધવારે નવા વર્ષ 2026 ની પૂર્વ સંધ્યાએ ભારત અને વિદેશમાં રહેતા તમામ ભારતીયોને શુભેચ્છાઓ અને હૃદયપૂર્વકની શુભકામનાઓ પાઠવી.

તેમના સંદેશમાં, રાષ્ટ્રપતિએ કહ્યું કે, નવું વર્ષ નવી ઉર્જા અને સકારાત્મક પરિવર્તનનું પ્રતીક છે. તે આત્મનિરીક્ષણ અને નવા સંકલ્પો માટે પણ તક પૂરી પાડે છે. આ પ્રસંગે, આપણે રાષ્ટ્રીય વિકાસ, સામાજિક સંવાદિતા અને પર્યાવરણીય સંરક્ષણ પ્રત્યેની આપણી પ્રતિબદ્ધતાને વધુ મજબૂત બનાવવી જોઈએ.

તેમના સંદેશમાં, રાષ્ટ્રપતિએ શુભેચ્છા પાઠવી કે, 2026 નું વર્ષ દરેકના જીવનમાં શાંતિ, ખુશી અને સમૃદ્ધિ લાવે અને મજબૂત અને સમૃદ્ધ ભારત બનાવવા માટે નવી ઉર્જાનો સંચાર કરે.

હિન્દુસ્થાન સમાચાર / સુશીલ કુમાર / પવન કુમાર

હિન્દુસ્થાન સમાચાર / ડો.હિતેશ એન.વ્યાસ