અમદાવાદ,નવી દિલ્હી,5 ફેબ્રુઆરી (હિ.સ.) ગુજરાત જાયન્ટ્સે મહિલા
પ્રીમિયર લીગ (ડબ્લ્યુપીએલ)
ની આગામી સીઝન
માટે ઓસ્ટ્રેલિયન ઓલરાઉન્ડર એશ્લે ગાર્ડનરને ટીમના કેપ્ટન તરીકે નિયુક્ત કર્યા છે.
ઓસ્ટ્રેલિયન ક્રિકેટની એક અગ્રણી વ્યક્તિ, ગાર્ડનરે 2017 માં પોતાનું ડેબ્યૂ કર્યું હતું.
ગાર્ડનર બે વખત, બેલિન્ડા ક્લાર્ક એવોર્ડ વિજેતા છે અને
તેમણે ઓસ્ટ્રેલિયાને 2022 કોમનવેલ્થ
ગેમ્સમાં, સુવર્ણ ચંદ્રક જીતવામાં મુખ્ય ભૂમિકા ભજવી હતી. તે દક્ષિણ આફ્રિકામાં 2023 ના ટી-20 વર્લ્ડ કપમાં
પ્લેયર ઓફ ધ ટુર્નામેન્ટ હતી.
લીગની શરૂઆતથી જ, ગાર્ડનર ગુજરાત જાયન્ટ્સનો અભિન્ન ભાગ રહી
છે. ડબ્લ્યુપીએલ ની છેલ્લી બે સીઝનમાં, તેણે 324 રન બનાવ્યા છે અને 17 વિકેટ લીધી છે.
ગાર્ડનરે ફ્રેન્ચાઇઝી દ્વારા જારી કરાયેલા એક નિવેદનમાં
જણાવ્યું હતું કે, “ગુજરાત જાયન્ટ્સની
કેપ્ટન બનવું મારા માટે ખૂબ જ સન્માનની વાત છે. મને આ ટીમનો ભાગ બનવાનું ખૂબ ગમે
છે અને હું આગામી સિઝનમાં આ મહાન જૂથનું નેતૃત્વ કરવા માટે ઉત્સાહિત છું. અમારી
ટીમમાં યુવા અને અનુભવી ખેલાડીઓ અને વિપુલ પ્રમાણમાં ભારતીય પ્રતિભાનું ઉત્તમ
મિશ્રણ છે. હું ટીમ સાથે કામ કરવા અને અમારા ચાહકોને ગર્વ અપાવવા માટે આતુર
છું.
ટીમના મુખ્ય કોચ માઈકલ ક્લિંગરે ગાર્ડનરના નેતૃત્વમાં
વિશ્વાસ વ્યક્ત કર્યો. તે એક મહાન સ્પર્ધક છે, તેણે કહ્યું. તેમની રમત જાગૃતિ, રણનીતિક કુશળતા
અને ખેલાડીઓને પ્રોત્સાહિત કરવાની ક્ષમતા તેમને ગુજરાત જાયન્ટ્સના કેપ્ટન માટે
આદર્શ પસંદગી બનાવે છે. અમને વિશ્વાસ છે કે તે આગળથી નેતૃત્વ કરશે અને ટીમને સફળ
અભિયાન તરફ દોરી જશે.”
ગયા સિઝનમાં ટીમનું નેતૃત્વ બેથ મૂનીએ કર્યું હતું.
ભૂતપૂર્વ કેપ્ટન વિશે બોલતા, ક્લિંગરે કહ્યું, “હું મૂનીનો તેમના ખૂબ જ મૂલ્યવાન નેતૃત્વ માટે આભાર માનું
છું. હવે તે વિકેટકીપિંગ અને બેટિંગ લાઇનઅપ ખોલવા પર ધ્યાન કેન્દ્રિત કરી શકશે. તે
હજુ પણ અમારા જૂથમાં એક મુખ્ય નેતા છે.”
અદાણી સ્પોર્ટ્સલાઈનના ચીફ બિઝનેસ ઓફિસર સંજય આદેસરાએ
જણાવ્યું હતું કે, “ગાર્ડનર પોતાના
સમર્પણ, કૌશલ્ય અને
નેતૃત્વ દ્વારા ગુજરાત જાયન્ટ્સની ભાવનાને મૂર્તિમંત કરે છે. કેપ્ટન તરીકે તેમની
નિમણૂક ઉચ્ચતમ સ્તરે સ્પર્ધા કરતી વિશ્વ-સ્તરીય ટીમ બનાવવાની અમારી પ્રતિબદ્ધતાને
પુનરાવર્તિત કરે છે. અમને વિશ્વાસ છે કે તેમની કેપ્ટનશીપ હેઠળ ટીમ ડબ્લ્યુપીએલમાં
સારું પ્રદર્શન કરશે.”
હિન્દુસ્થાન સમાચાર / સુનિલ દુબે
હિન્દુસ્થાન સમાચાર / માધવી વ્યાસ
