નવી દિલ્હી, 12 જુલાઈ (હિ.સ.) કોંગ્રેસ બિહાર સરકારના મંત્રી જીવેશ મિશ્રા પર પ્રહારો કરી રહી છે, જેમને 15 વર્ષ જૂના નકલી દવા કેસમાં દોષિત ઠેરવવામાં આવ્યા છે. કોંગ્રેસ પાર્ટીએ તેમના તાત્કાલિક રાજીનામાની માંગ કરી છે.

કોંગ્રેસના પ્રવક્તા સુપ્રિયા શ્રીનેતે કહ્યું કે, જાહેર જીવનમાં જીવતા વ્યક્તિની જવાબદારી એક સામાન્ય નાગરિક કરતા ઘણી વધારે છે, આવી સ્થિતિમાં, મિશ્રાએ નૈતિકતાના આધારે પોતે મંત્રી પદ પરથી રાજીનામું આપવું જોઈએ. તેમણે કહ્યું કે, નકલી દવાનો કેસ પ્રકાશમાં આવ્યા પછી, કેટલી કંપનીઓ સામે કાર્યવાહી કરવામાં આવી છે, કેટલી દવાઓ જપ્ત કરવામાં આવી છે અને અત્યાર સુધીમાં કેટલી તપાસ કરવામાં આવી છે? સરકારે આ બધું કહેવું જોઈએ.

બિહાર સરકારના મંત્રી જીવેશ મિશ્રા, રાજકારણમાં આવતા પહેલા દવાના વ્યવસાય સાથે સંકળાયેલા હતા અને અલ્ટો હેલ્થલેયર પ્રાઇવેટ લિમિટેડના ડિરેક્ટર હતા. 2010 માં, રાજસ્થાનના કંસારા ડ્રગ્સ ડિસ્ટ્રીબ્યુટર પાસેથી લેવામાં આવેલી દવા સિપ્રોલિન 500 તપાસમાં ભેળસેળયુક્ત હોવાનું જણાયું હતું, જે મિશ્રાની કંપની અને અન્ય બે કંપનીઓ દ્વારા સપ્લાય કરવામાં આવી હતી. આ કેસમાં, રાજસ્થાનની રાજસમંદ કોર્ટે 4 જૂન 2025 ના રોજ મિશ્રા સહિત 9 લોકોને દોષિત ઠેરવ્યા હતા. 1 જુલાઈના રોજ, કોર્ટે તેમને ઓફેન્ડર પ્રોબેશન એક્ટ હેઠળ રાહત આપી હતી અને માત્ર દંડ ફટકારીને તેમને મુક્ત કર્યા હતા.

હિન્દુસ્થાન સમાચાર / પ્રશાંત શેખર / સંજીવ પાશ

હિન્દુસ્થાન સમાચાર / માધવી વ્યાસ