નવી દિલ્હી, 15 જુલાઈ (હિ.સ.) બોલિવૂડના પ્રખ્યાત દિગ્દર્શક મોહિત સૂરી ફરી એકવાર દર્શકો

સમક્ષ એક રોમેન્ટિક ફિલ્મ રજૂ કરવા જઈ રહ્યા છે. તેમની આગામી ફિલ્મ 'સૈયારા' 18 જુલાઈએ

સિનેમાઘરોમાં રિલીઝ થવા જઈ રહી છે. આ ફિલ્મ દ્વારા અનન્યા પાંડેનો પિતરાઈ ભાઈ અહાન

પાંડે, અભિનયની દુનિયામાં પદાર્પણ કરી રહ્યો છે. આ

ફિલ્મમાં તેમની જોડી અભિનેત્રી અનિતા પદ્દા સાથે છે. આ નવી જોડી દર્શકો માટે

તાજગીભરી સાબિત થઈ શકે છે. હવે ફિલ્મ 'સૈયારા'ની રિલીઝ રણનીતિ જાહેર કરવામાં આવી છે.

રિપોર્ટ મુજબ, નિર્માતાઓએ 'સૈયારા'ની રિલીઝ અંગે કેટલાક ખાસ વ્યૂહાત્મક નિર્ણયો લીધા છે.

તેમણે તમામ સિનેમાઘરોને જરૂરિયાતોની યાદી મોકલી છે, જેમાં કેટલીક મહત્વપૂર્ણ શરતોનો ઉલ્લેખ કરવામાં

આવ્યો છે. નિર્માતાઓએ સ્પષ્ટપણે કહ્યું છે કે 18 જુલાઈએ સવારે 9:૩૦ વાગ્યા પહેલા ફિલ્મનો કોઈ શો શરૂ થશે નહીં. આ ઉપરાંત, રિલીઝના પહેલા

દિવસે એટલે કે 18 જુલાઈએ, કોઈપણ સિનેમા

હોલમાં 'સૈયારા'ના મહત્તમ 6 શો ચલાવવામાં

આવશે. જો કે, આ પ્રતિબંધો ફક્ત

પહેલા દિવસ માટે જ લાગુ પડશે. 19 જુલાઈથી, સિનેમાઘરો આ ફિલ્મના ગમે તેટલા શો ચલાવી શકશે. આ પગલું કદાચ

દર્શકોનો રસ જાળવી રાખવા અને ફિલ્મના ઓપનિંગને ખાસ બનાવવા માટે લેવામાં આવ્યું છે.

યુવાનોને સિનેમાઘરો તરફ આકર્ષવા માટે, યશ રાજ ફિલ્મ્સે

ફિલ્મ 'સૈયારા' માટે બે ખાસ

માર્કેટિંગ વ્યૂહરચના તૈયાર કરી છે. પહેલી યોજના હેઠળ, જો દર્શકો બુકમાયશોપર ટિકિટ બુક

કરતી વખતે 'સૈયારા' કોડનો ઉપયોગ કરે

છે, તો તેમને બે કે

તેથી વધુ ટિકિટ પર 50% ડિસ્કાઉન્ટ

મળશે. જો કે, આ ડિસ્કાઉન્ટ

મહત્તમ 200 રૂપિયા સુધી

મર્યાદિત રહેશે. બીજી યોજના હેઠળ, યશ રાજ ફિલ્મ્સે સિનેમાઘરોને વિનંતી કરી છે કે તેઓ સવારે 9:30 વાગ્યે કોલેજના

વિદ્યાર્થીઓ માટે 'ખાસ કિંમત' પર પ્રથમ શોની

ટિકિટ કિંમત નક્કી કરે, જેથી યુવા દર્શકો

મોટી સંખ્યામાં ફિલ્મ જોવા આવે. આ યોજનાઓ દ્વારા, 'સૈયારા' ના ઉદઘાટનને મજબૂત બનાવવા માટે તમામ પ્રયાસો કરવામાં આવી

રહ્યા છે.

હિન્દુસ્થાન સમાચાર / લોકેશ ચંદ્ર દુબે / સુનિત નિગમ

હિન્દુસ્થાન સમાચાર / માધવી વ્યાસ