કલકતા,નવી દિલ્હી, 14 સપ્ટેમ્બર

(હિ.સ.) રાષ્ટ્રીય મહિલા આયોગે જાદવપુર યુનિવર્સિટીની વિદ્યાર્થીનીના મૃત્યુ અંગે

નોંધ લીધી છે. આ સંદર્ભમાં,

આયોગે કોલકાતા

પોલીસ કમિશનર મનોજ વર્માને, પત્ર લખીને નિષ્પક્ષ તપાસની માંગ કરી છે. આયોગે

શનિવારે સોશિયલ મીડિયા પર પોસ્ટ કરી હતી કે ઉપલબ્ધ તથ્યોના આધારે, તેણે સ્વતઃ નોંધ

લીધી છે અને કેસ નોંધ્યો છે. ઉપરાંત, યુનિવર્સિટી કેમ્પસની સુરક્ષા વ્યવસ્થા પર ખાસ નજર રાખવાનું

કહેવામાં આવ્યું છે. આયોગે કોલકાતા પોલીસ પાસેથી ત્રણ દિવસમાં વિગતવાર રિપોર્ટ

માંગ્યો છે.

આ ઘટના ગુરુવારે રાત્રે બની હતી. યુનિવર્સિટીના ચાર નંબરના

ગેટ પાસે તળાવ કિનારે અચાનક એક વિદ્યાર્થીનો મૃતદેહ તરતો મળી આવ્યો હતો. મૃતક

વિદ્યાર્થીની ઓળખ અનામિકા મંડલ તરીકે થઈ હતી, જે જાદવપુર યુનિવર્સિટીની ત્રીજા વર્ષની સ્નાતક

વિદ્યાર્થીની હતી.

વિદ્યાર્થીઓના જણાવ્યા અનુસાર, ‘તે દિવસે પાર્કી

લોટની સામે ડ્રામા ક્લબ દ્વારા એક સાંસ્કૃતિક કાર્યક્રમનું આયોજન કરવામાં આવ્યું

હતું. અનામિકાએ પણ તેમાં ભાગ લીધો હતો. રાત્રે લગભગ 9:55 વાગ્યે, તે શૌચાલય જવા

માટે ઉભી થઈ, પરંતુ તે પછી

અચાનક ગાયબ થઈ ગઈ. થોડા સમય પછી, તેનો મૃતદેહ તળાવમાંથી મળી આવ્યો.

શુક્રવારે સાંજે પોસ્ટમોર્ટમ રિપોર્ટ બહાર આવ્યો, જેમાં કોઈ બાહ્ય

ઈજાના નિશાન જોવા મળ્યા ન હતા. રિપોર્ટ મુજબ, મૃત્યુ ડૂબવાથી થયું હતું. જોકે, તે સ્પષ્ટ નથી કે

વિદ્યાર્થીએ દારૂ પીધો હતો કે કોઈ નશીલા પદાર્થ. વિસેરાના નમૂના તપાસ માટે

મોકલવામાં આવ્યા છે.

આ ઘટના પછી, જાદવપુર યુનિવર્સિટી કેમ્પસની સુરક્ષા વ્યવસ્થા પર ગંભીર

પ્રશ્નો ઉભા થયા છે.

હિન્દુસ્થાન સમાચાર / ધનંજય પાંડે / સંતોષ મધુપ / અમરેશ

દ્વિવેદી

હિન્દુસ્થાન સમાચાર / માધવી વ્યાસ