તુમકુરૂ, નવી દિલ્હી, 20 જાન્યુઆરી (હિ.સ.): ઉપરાષ્ટ્રપતિ સીપી રાધાકૃષ્ણન કર્ણાટકના તુમકુરૂમાં સિદ્ધગંગા મઠ ખાતે શીવૈક્ય શિવકુમાર મહાયોગીઓના સંઘની સાતમાં લિન્ગૈકય નિમિત્તે યોજાનારા કાર્યક્રમમાં ભાગ લેશે. સિદ્ધગંગા મઠમાં તૈયારીઓ પૂરજોશમાં ચાલી રહી છે. ઉપરાષ્ટ્રપતિના કાર્યક્રમને ધ્યાનમાં રાખીને વહીવટીતંત્રે સિદ્ધગંગા મઠ અને આસપાસના વિસ્તારોમાં વ્યાપક સુરક્ષા વ્યવસ્થા કરી છે.

સિદ્ધગંગા શિક્ષા સંસ્થાના સચિવ ટીકે નુંજુંડપ્પએ મંગળવારે જણાવ્યું હતું કે, ઉપરાષ્ટ્રપતિ સીપી રાધાકૃષ્ણન બુધવારે સિદ્ધગંગા મઠ ખાતે 7મા પુણ્ય સ્મરણોત્સવ સમારોહમાં ભાગ લેવા માટે અહીં પહોંચશે. ઉપરાષ્ટ્રપતિ આવતીકાલે સવારે 10:50 વાગ્યે સિદ્ધગંગા મઠ પહોંચશે. તેઓ સૌપ્રથમ શિવકુમાર મહાયોગીઓના સિંહાસન પર પ્રાર્થના કરશે. ત્યારબાદ તેઓ સવારે 11 વાગ્યે ગોસલ સિદ્ધેશ્વર મંચ ખાતે આયોજિત કાર્યક્રમમાં ભાગ લેશે. કર્ણાટકના રાજ્યપાલ થાવરચંદ ગેહલોત અને કેન્દ્રીય મંત્રી વી. સોમન્ના ઉપરાષ્ટ્રપતિ સાથે હાજર રહેશે. આ કાર્યક્રમમાં સિદ્ધગંગા મઠના પ્રમુખ સિદ્ધલિંગ સ્વામીજી, સદગુરુ મધુસુદન સાંઈ અને સિદ્ધગંગા મઠના ઉત્તરાધિકારી શિવસિદ્ધેશ્વર સ્વામી પણ ઉપસ્થિત રહેશે.

સંગઠનના સચિવ ટી.કે. નુંજુંડપ્પ એ જણાવ્યું હતું કે, આવતીકાલે સવારે 5:00 વાગ્યે મઠ ખાતે વિવિધ ધાર્મિક વિધિઓ અને પૂજા શરૂ થશે. શિવકુમાર મહાયોગીઓની ગાદી પર મંત્રોના જાપ સાથે વિશેષ પૂજા કરવામાં આવશે. રૂદ્રાક્ષ મંડપમાં સવારે 8:00 વાગ્યે શિવકુમાર મહાયોગીઓની પ્રતિમાઓની ભવ્ય શોભાયાત્રા શરૂ થશે.

હિન્દુસ્થાન સમાચાર / રાકેશ મહાદેવપ્પા / સુનિલ સક્સેના

હિન્દુસ્થાન સમાચાર / માધવી વ્યાસ