નવી દિલ્હી, 6 જાન્યુઆરી (હિ.સ): ટાટા ગ્રુપે એર ઇન્ડિયાના વર્તમાન ચીફ કેમ્પબેલ વિલ્સનના સ્થાને, નવા ચીફ એક્ઝિક્યુટિવ ઓફિસર (સીઇઓ) ની શોધ શરૂ કરી છે. વિલ્સનનો કાર્યકાળ 2027 માં સમાપ્ત થવાનો છે, પરંતુ તે પહેલાં પણ તેમને દૂર કરી શકાય છે.

મંગળવારે સત્તાવાર સૂત્રોએ જણાવ્યું હતું કે, ગયા વર્ષે જૂનમાં એર ઇન્ડિયા વિમાન દુર્ઘટના બાદ એરલાઇન પર કડક નજર રાખવામાં આવી રહી છે. પરિણામે, ટાટા ગ્રુપ હવે નવા હાથોમાં કમાન સોંપવા માંગે છે. દરમિયાન, ગ્રુપ તેની પેટાકંપની, એર ઇન્ડિયા એક્સપ્રેસ માટે નવા મેનેજિંગ ડિરેક્ટર (એમડી) ની નિમણૂક કરવાનું પણ વિચારી રહ્યું છે. વર્તમાન આલોક સિંહનો કાર્યકાળ 2027 માં સમાપ્ત થવાનો છે. અમદાવાદ વિમાન દુર્ઘટના અને એરલાઇનના ખાનગીકરણ પછીના ઉથલપાથલ છતાં, એરલાઇનની નબળી નાણાકીય સ્થિતિ આનું મુખ્ય કારણ માનવામાં આવે છે. ટાટા ગ્રુપના ચેરમેન એન. ચંદ્રશેખરન, પહેલાથી જ આ પદ માટે ઘણા અનુભવી એરલાઇન અધિકારીઓ સાથે ચર્ચા કરી ચૂક્યા છે.

દરમિયાન, એર ઇન્ડિયા બોઇંગ 787-8 વિમાન દુર્ઘટના અંગેનો અંતિમ અહેવાલ જૂનની આસપાસ આવવાની ધારણા છે. વિલ્સને સોમવારે ટાટા હાઉસમાં એક સુનિશ્ચિત બેઠકમાં હાજરી આપી હતી. વિલ્સનને જુલાઈ 2022 માં એર ઇન્ડિયાના ચીફ એક્ઝિક્યુટિવ ઓફિસર (સીઈઓ) અને મેનેજિંગ ડિરેક્ટર (એમડી) તરીકે નિયુક્ત કરવામાં આવ્યા હતા. ટાટા ગ્રુપે જાન્યુઆરી 2022 માં સરકાર પાસેથી એર ઇન્ડિયા હસ્તગત કરી હતી.

હિન્દુસ્થાન સમાચાર/પ્રજેશ શંકર/સુનીત નિગમ

હિન્દુસ્થાન સમાચાર / માધવી વ્યાસ