મુંબઈ, નવી દિલ્હી, 21 ઓક્ટોબર (હિ.સ.). અભિનેતા સૈફ અલી ખાન અને ફિલ્મ નિર્માતા રિતેશ બત્રાની આગામી ફિલ્મમાં, હવે પ્રિયંકા ચોપરા નહીં દેખાય. અહેવાલો મુજબ, આ અનામી પીરિયડ ડ્રામામાં પ્રિયંકાને મુખ્ય અભિનેત્રી તરીકે શામેલ કરવામાં આવી હતી, પરંતુ વ્યસ્ત વ્યાવસાયિક કાર્યક્રમોને કારણે તેણે પ્રોજેક્ટથી દૂર થઈ ગઈ છે. આ ફિલ્મ દ્વારા પ્રથમ વખત સૈફ અને પ્રિયંકાને એકસાથે પડદા પર જોવાની અપેક્ષા રાખતા ચાહકોને નિરાશા થઈ શકે છે. ફિલ્મનું શૂટિંગ 21 ઓક્ટોબરથી મુંબઈના ભાયખલા સ્થિત એક સંગ્રહાલયમાં શરૂ થવાના સમાચાર છે.

રિપોર્ટ અનુસાર, પ્રિયંકાને મુંબઈમાં થનારી શૂટિંગમાં શામેલ થવાનું હતું, પરંતુ તેની અન્ય વ્યાવસાયિક પ્રતિબદ્ધતાઓને કારણે શૂટિંગની તારીખોને લઈને તાલમેલ બેસી શક્યો નહીં. સૂત્ર મુજબ, પ્રિયંકા સૈફ અને રિતેશ બત્રા સાથે કામ કરવાની ઇચ્છુક હતી. નિર્માતાઓએ કાર્યક્રમમાં ફેરફાર કરવાનો પ્રયાસ પણ કર્યો, પરંતુ વાત બની શકી નહીં. આ પછી અભિનેત્રીને ફિલ્મ છોડવાનો નિર્ણય લેવો પડ્યો.

પ્રિયંકાના બહાર થયા પછી, નિર્માતાઓ તેની જગ્યાએ કોઈ બીજી અભિનેત્રીને લેવાની તૈયારીમાં લાગી ગયા છે. રિપોર્ટ અનુસાર, આ ભૂમિકા માટે બે મુખ્ય અભિનેત્રીઓ સાથે વાતચીત ચાલી રહી છે અને ટૂંક સમયમાં નામ નક્કી થવાની અપેક્ષા છે. હાલમાં નિર્દેશક રિતેશ બત્રા સૈફ અલી ખાન સાથે ફિલ્મનું શૂટિંગ આગળ વધારી રહ્યા છે. શરૂઆતના તબક્કામાં સૈફ પોતાના ભાગોનું શૂટિંગ કરશે. જોકે, ફિલ્મની નવી અભિનેત્રી અને અન્ય વિગતોને લઈને અધિકૃત જાહેરાતની રાહ જોવાઈ રહી છે.

હિન્દુસ્થાન સમાચાર / લોકેશ ચંદ્ર દુબે / સુનીત નિગમ

હિન્દુસ્થાન સમાચાર / માધવી વ્યાસ