ચેન્નઈ, નવી દિલ્હી, 06 ઓક્ટોબર (હિ.સ.). તમિલનાડુમાં મદુરાંતકમ અને ધારાપુરમ વિધાનસભા બેઠકો પર પેટાચૂંટણી માટે આજે સવારે સાત વાગ્યે મતદાન શરૂ થઈ ગયું. ગત ચૂંટણીમાં આ બંને બેઠકો જીતનારા અન્નાદ્રમુકના ઉમેદવારોએ થોડા દિવસો પછી વિધાનસભાની સભ્યપદ પરથી રાજીનામું આપી દીધું હતું.

મતદારોની લાંબી કતારો લાગેલી છે. મતદાન સાંજે 6 વાગ્યા સુધી ચાલશે. મદુરાંતકમમાં 285 મતદાન કેન્દ્રો અને ધારાપુરમમાં 320 મતદાન કેન્દ્રો પર મતદાન થઈ રહ્યું છે. મદુરાંતકમ વિધાનસભા ક્ષેત્રમાં 2 લાખ 13 હજાર 788 મતદારો અને ધારાપુરમ વિધાનસભા ક્ષેત્રમાં 2 લાખ 23 હજાર 306 મતદારો છે. મતદાન કેન્દ્રો પર સુરક્ષાના કડક પ્રબંધો કરવામાં આવ્યા છે. મતદાન કેન્દ્રો પર અર્ધલશ્કરી દળ અને તમિલનાડુ પોલીસના જવાનો સુરક્ષા ડ્યુટીમાં તૈનાત છે.

કરૂર, પેરુન્દુરઈ, વિરાલીમલાઈ, અંબાસમુદ્રમથી જીતનારા અન્નાદ્રમુકના ઉમેદવારોએ પણ રાજીનામું આપી દીધું હતું. જોકે, આ ઉમેદવારોની જીતને પડકારતા ઉચ્ચ ન્યાયાલયમાં કેસ દાખલ કરવામાં આવ્યો હતો. આ જ રીતે તિરુચિ પૂર્વ વિધાનસભા ક્ષેત્રમાં ટીવીકે અધ્યક્ષ વિજયની જીતને પડકારતા પણ અરજી દાખલ કરવામાં આવી હતી. આના કારણે આ 5 વિધાનસભા ક્ષેત્રોમાં પેટાચૂંટણી કરાવવા પર ઉચ્ચ ન્યાયાલયે અંતરિમ રોક લગાવી દીધી.

હિન્દુસ્થાન સમાચાર / ડો. વારા પ્રસાદ રાવ પીવી / મુકુંદ

હિન્દુસ્થાન સમાચાર / માધવી વ્યાસ