નવી દિલ્હી, 08 ઓક્ટોબર (હિ.સ.) : કેન્દ્રીય સંચાર મંત્રી જ્યોતિરાદિત્ય સિંધિયાએ ગુરુવારે કહ્યું કે ભારતનું લક્ષ્ય 2030 સુધીમાં 5G ગ્રાહકોની સંખ્યા વર્તમાન 55 કરોડથી બમણી કરીને એક અબજ કરવાનું છે. તેમણે કહ્યું હતું કે, દેશ અગાઉ 4Gની બાબતમાં વિશ્વથી પાછળ હતો પરંતુ તેણે 6Gમાં વિશ્વનું નેતૃત્વ કરવાનો સંકલ્પ લીધો છે.

કેન્દ્રીય સંચાર મંત્રીએ નવી દિલ્હીમાં યશોભૂમિ ખાતે ઇન્ડિયા મોબાઇલ કોંગ્રેસ (આઇએમસી) 2026ની 10મી આવૃત્તિને સંબોધિત કરતી વખતે આ વાત કરી હતી. જ્યોતિરાદિત્ય એમ. સિંધિયાએ કહ્યું હતું કે, 7 ઓક્ટોબર આપણા દેશના ઇતિહાસમાં એક સીમાચિહ્નરૂપ દિવસ હશે. આપણા નાગરિકો માટે ગર્વની વાત છે કે 7 ઓક્ટોબરના રોજ પ્રધાનમંત્રી નરેન્દ્ર મોદીએ સરકારના વડા તરીકે રાષ્ટ્રની સેવા કરતા 25 વર્ષ પૂર્ણ કર્યા.

સિંધિયાએ કહ્યું કે ભારતમાં હાલમાં 55 કરોડ 5જી વપરાશકર્તાઓ છે અને દેશ 2030 સુધીમાં 100 કરોડ વપરાશકર્તાઓ સુધી પહોંચવાનું લક્ષ્ય ધરાવે છે કારણ કે તે તેની ટેલિકોમ અને ડિજિટલ તકનીકી ક્ષમતાઓને વૈશ્વિક બજારમાં લઈ જવા માંગે છે. સિંધિયાએ જણાવ્યું હતું કે, ભારતનો બ્રોડબેન્ડ ગ્રાહક આધાર 2014માં 6 કરોડથી વધીને આજે 11 કરોડથી વધુ થઈ ગયો છે. તેમણે ઉમેર્યું હતું કે, દેશમાં 135 કરોડ મોબાઇલ ગ્રાહકો પણ છે.

આઈએમસી 2026ની 10મી આવૃત્તિના ઉદ્ઘાટન સમારોહમાં બોલતા સિંધિયાએ કહ્યું કે ભારતમાં 5જી વિશ્વમાં સૌથી ઝડપથી અપનાવવામાં આવેલી 5જી ટેકનોલોજી બની ગઈ છે.

2030 સુધીમાં, અમારું લક્ષ્ય 5જી વપરાશકર્તાઓની સંખ્યા 550 મિલિયનથી વધારીને એક અબજ કરવાનું છે. આપણે 4Gમાં દુનિયાની પાછળ હતા. 5G માં, અમે વિશ્વ સાથે પગલાંઓ સરખાવ્યાં. હવે 6Gમાં વિશ્વનું નેતૃત્વ કરવાનો અમારો સંકલ્પ છે

6જી અંગે સિંધિયાએ જણાવ્યું હતું કે, ઇન્ડિયા 6જી એલાયન્સમાં 90 સંસ્થાઓનો સમાવેશ થાય છે અને તેણે 7,700 આંતરરાષ્ટ્રીય પેટન્ટ સહિત 4,400 પેટન્ટ મેળવ્યા છે.

હિન્દુસ્થાન સમાચાર/પ્રજેશ શંકર/મુકુંદ

હિન્દુસ્થાન સમાચાર / હર્ષ શાહ