નવી દિલ્હી, 01 નવેમ્બર (હિં.સ.). 1984ના શીખ વિરોધી રમખાણોના પીડિતોને ન્યાય અપાવવા અને તેમના સમર્થનમાં રવિવારે દિલ્હીમાં ભારતીય જનતા પાર્ટી (ભાજપ) અને શીખ સંગઠનો દ્વારા વિરોધ માર્ચ કાઢવામાં આવી રહ્યો છે. હરિ નગર બસ ડેપોથી કાઢવામાં આવેલા માર્ચમાં મોટી સંખ્યામાં શીખ સમુદાયના લોકો અને ભાજપના કાર્યકરોએ ભાગ લીધો.

કેન્દ્રીય મંત્રી હરદીપ સિંહ પુરીના નેતૃત્વમાં વિરોધ માર્ચમાં નેતાઓએ રાહુલ ગાંધી પાસે 1984ના રમખાણોના પીડિતોની માફી માંગવાની માંગ કરી. આમાં કેન્દ્રીય કેબિનેટ મંત્રી હરદીપ સિંહ પુરી, દિલ્હીના મુખ્યમંત્રી રેખા ગુપ્તા, દિલ્હી સરકારના મંત્રી મનજિંદર સિંહ સિરસા, રાજ્યસભા સાંસદ વિક્રમજીત સિંહ સાહની અને સાંસદ કમલજીત સેહરાવત સહિત પાર્ટીના ઘણા વરિષ્ઠ નેતાઓ હાજર રહ્યા. પદયાત્રા દ્વારા 1984ના રમખાણ પીડિતો પ્રત્યે એકતા અને સમર્થન પ્રદર્શિત કરવામાં આવ્યું.

આ પ્રસંગે ભાજપના નેતા આર.પી. સિંહે વિપક્ષ પર નિશાન સાધતા કહ્યું કે, વિપક્ષની ભૂમિકા વિરોધ કરવાથી આગળ વધીને અવરોધ ઊભો કરવા સુધી સીમિત રહી ગઈ છે. તેમણે આરોપ લગાવ્યો કે, વિપક્ષ સંસદમાં જે મુદ્દાઓ પર ચર્ચા અને બહેસ કરી શકે છે, તેમને રસ્તાઓ પર ઉઠાવી રહ્યો છે. વિપક્ષ ન તો સંસદને ચાલવા દેવા માંગે છે અને ન તો રસ્તાઓ પર સામાન્ય ગતિવિધિઓ થવા દેવા માંગે છે.

આર.પી. સિંહે કહ્યું કે, વિપક્ષ મુદ્દાઓ પર ચર્ચા કરવાને બદલે ગતિરોધ ઊભો કરવા અને દેશમાં અરાજકતા ફેલાવવા માંગે છે. તેમણે કહ્યું કે શીખ સમુદાયનું અપમાન દેશ બરદાસ્ત નહીં કરે.

હિન્દુસ્થાન સમાચાર / વિજયાલક્ષ્મી / અનૂપ શર્મા

હિન્દુસ્થાન સમાચાર / માધવી વ્યાસ