ઈસ્લામાબાદ (પાકિસ્તાન), નવી દિલ્હી, 13 નવેમ્બર (હિ.સ.). ગિલગિટ-બાલ્ટિસ્તાન પ્રાંતના ઘીઝર જિલ્લામાં યાસીન નદીમાં એક પેસેન્જર વાન ખાબકતાં અગિયાર લોકોના મોત થયા અને બે ઘાયલ થયા. સ્થાનિક પોલીસના જણાવ્યા અનુસાર, આ અકસ્માત ગુરુવારે મોડી સાંજે થયો હતો. ગિલગિટથી ઘીઝર જઈ રહેલી પેસેન્જર વાનનો ડ્રાઈવર યાસીન ખીણમાં મોરકાહ બ્રિજ પાસે કાબુ ગુમાવી બેઠો હતો. વાન પલટી ગઈ અને યાસીન નદીમાં પડી ગઈ.

ડોન ન્યૂઝના અહેવાલ મુજબ પોલીસે શરૂઆતમાં અહેવાલ આપ્યો હતો કે, બચાવ ટીમોએ બે મહિલાઓ સહિત 10 મુસાફરોના મૃતદેહ બહાર કાઢ્યા છે. ત્રણ ઘાયલ મુસાફરોને પણ બચાવી લેવામાં આવ્યા હતા. બધાને ગુપીસ સિવિલ હોસ્પિટલમાં સારવાર માટે લઈ જવામાં આવ્યા હતા. પોલીસે બાદમાં અહેવાલ આપ્યો હતો કે મૃત્યુઆંક વધીને 11 થયો છે, જ્યારે બે અન્ય ઘાયલ થયા છે.

પોલીસે જણાવ્યું હતું કે, વાનમાં સવાર યાસીન ખીણના રહેવાસીઓ હતા. પ્રાંતીય મુખ્યમંત્રી અમજદ હુસૈને અકસ્માત પર શોક વ્યક્ત કર્યો હતો. ગયા અઠવાડિયે, ગિલગિટથી ઇસ્લામાબાદ જતી એક બસ હજારા મોટરવે પર હેવલિયન ઇન્ટરચેન્જ નજીક એક ડમ્પ ટ્રક સાથે અથડાઈ હતી, જેમાં આઠ લોકો માર્યા ગયા હતા અને 30 અન્ય ઘાયલ થયા હતા. એક દિવસ પહેલા, પંજાબના પાકપટ્ટન નજીક એક પેસેન્જર બસ અને ટ્રક વચ્ચે થયેલી ટક્કરમાં 11 લોકો માર્યા ગયા હતા અને 33 અન્ય ઘાયલ થયા હતા.

હિન્દુસ્થાન સમાચાર / મુકુંદ

હિન્દુસ્થાન સમાચાર / માધવી વ્યાસ