નવી દિલ્હી, 10 ફેબ્રુઆરી (હિ.સ.) બોલીવુડ અભિનેતા ગોવિંદા અને તેમની પત્ની સુનિતા આહુજા,

હાલમાં તેમના પરિવારના નિવેદનોને કારણે સમાચારમાં છે. તાજેતરમાં, સુનિતાએ આરોપ

લગાવ્યો હતો કે,” ગોવિંદાએ તેમના પુત્ર યશવર્ધન આહુજાની કારકિર્દીને આગળ વધારવામાં

સક્રિય ભૂમિકા ભજવી નથી.” હવે, અભિનેતાએ આ દાવાઓ પર પોતાનું મૌન તોડ્યું છે અને બોલ્યા છે.

તેમણે સ્પષ્ટતા કરી હતી કે,” તેમના નિર્ણયો હંમેશા પરિવાર અને બાળકોના ભવિષ્યને

ધ્યાનમાં રાખીને લેવામાં આવતા હતા.”

બાળકોએ મારી

દુનિયાના દબાણનો સામનો ન કરવો જોઈએ: ગોવિંદા

મીડિયા સાથેની વાતચીતમાં, ગોવિંદાએ કહ્યું, જ્યારે મેં રાજકારણ છોડી દીધું, ત્યારે મેં મારા

બાળકોને સ્પર્ધા, નફરત અને ઈર્ષ્યા

જેવી બાબતોથી દૂર રાખવાનું શ્રેષ્ઠ માન્યું. ખાસ કરીને તેમના ભવિષ્યને ધ્યાનમાં

રાખીને, મેં અંતર

જાળવવાનું શ્રેષ્ઠ માન્યું. તેમણે એ પણ ખુલાસો કર્યો કે,” તેમણે નિર્માતા

સાજિદ નડિયાદવાલાને તેમના પુત્ર યશવર્ધનને માર્ગદર્શન આપવા વિનંતી કરી હતી.”

ગોવિંદાના મતે, “નડિયાદવાલાએ

યશવર્ધનને ફિલ્મ નિર્માણની ઝીણવટ સમજવામાં અને ઉદ્યોગના કામકાજ શીખવામાં મદદ કરી

હતી.”

સુનિતાએ શું કહ્યું? અગાઉના એક ઇન્ટરવ્યુમાં, સુનિતા આહુજાએ કહ્યું હતું કે,” ગોવિંદાએ તેમના પુત્રના

કરિયર માટે પૂરતો ટેકો આપ્યો નથી.” તેમણે જણાવ્યું હતું કે,” યશવર્ધને અત્યાર

સુધીમાં લગભગ 90 ઓડિશન આપ્યા છે, પરંતુ તેમને આશા

મુજબ માન્યતા મળી નથી.” સુનિતાએ એમ પણ કહ્યું હતું કે,” તેમણે તેમના પુત્રને તેના

પિતાના પગલે ચાલવાની સલાહ આપી હતી, પરંતુ તેઓ ગોવિંદાના વલણને સમજી શક્યા નહીં.”

પરિવારમાં આ નિવેદનોએ, ઉદ્યોગમાં અને ચાહકોમાં ચર્ચા જગાવી

છે. ગોવિંદાના સ્પષ્ટીકરણ પછી, હવે બધાની નજર યશવર્ધનની બોલિવૂડ સફર પર છે.

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / માધવી વ્યાસ