જામનગર, 20 માર્ચ (હિ.સ.) આગામી ટૂંક સમયમાં યોજાનાર જામનગર મહાનગરપાલિકાની ચૂંટણી સંદર્ભમાં પ્રદેશ કોંગ્રેસના નિર્દેશ મુજબ જામનગર શહેર કોંગ્રેસ દ્વારા શહેરના તમામ 16 વોર્ડના દાવેદારોને રૂબરૂ સાંભળવા સાથે પસંદગી પ્રક્રિયા કરવામાં આવી હતી.

જામનગર શહેર કોંગ્રેસ કાર્યાલયમાં પ્રદેશમાંથી આવેલા પૂર્વ ધારાસભ્ય અને પ્રભારી લલિત વસોયા તથા અગ્રણી રહીમ સોરા, પૂર્વ સાંસદ વિક્રમ માડમ તથા શહેર કોંગ્રેસ પ્રમુખ દિગુભા જાડેજાની સમક્ષ સવારે 1 થી 8 વોર્ડ અને બપોર પછી વોર્ડ નં.9 થી 16 ના દાવેદારોને તેમના દાવા સાથે કોંગ્રેસ પક્ષમાંથી ઉમેદવારી કરવાની રજૂઆત કરી હતી, જેમાં 16 વોર્ડ 64 બેઠક માટે કુલ 187 દાવેદારોએ રજૂઆત કરી હતી.આ પ્રક્રિયાનો સમગ્ર અહેવાલ અને દાવેદારોના બાયો-ડેટા સહિતની વિગતો પ્રદેશ સમક્ષ રજૂ કરવામાં આવશે, અને પ્રદેશ નેતાગીરી દ્વારા ઉમેદવારોની દરેક વોર્ડના ઉમેદવારોની આખરી પસંદગી કરશે. તેમ શહેર કોંગ્રેસ પ્રમુખ દિગુભા જાડેજાએ જણાવ્યું છે

હિન્દુસ્થાન સમાચાર / Dhaval Nilesh bhai bhatt