નવી દિલ્હી, 13 એપ્રિલ (હિ.સ.) કાચા તેલની કિંમતો, પશ્ચિમ એશિયામાં ચાલી રહેલી કટોકટીની અસર અનુભવવા લાગી છે. અમેરિકા અને ઈરાન વચ્ચેની શાંતિ વાટાઘાટો કોઈપણ સમજૂતી વિના સમાપ્ત થઈ રહી છે. અમેરિકી રાષ્ટ્રપતિએ હોર્મુઝમાં જહાજોની પહોંચ અવરોધિત કરવા માટે પગલાં લેવાની વાત કર્યા બાદ, સોમવારે કાચા તેલની કિંમત 104 ડોલર પ્રતિ બેરલને વટાવી ગઈ હતી.

આંતરરાષ્ટ્રીય બજારમાં, પ્રારંભિક વેપારમાં બ્રેન્ટ ક્રૂડ લગભગ 8 ટકા વધીને 104 ડોલર પ્રતિ બેરલથી વધુ થયું હતું, જ્યારે યુએસ બેન્ચમાર્ક વેસ્ટ ટેક્સાસ ઇન્ટરમીડિયેટ (ડબ્લ્યુટીઆઈ) ક્રૂડ 8.61 ટકા વધ્યું હતું. બ્રેન્ટ ક્રૂડ હાલમાં 7.7 ડોલર અથવા 7.43 ટકા વધીને 102.3 ડોલર પ્રતિ બેરલ પર વેપાર કરી રહ્યું છે. તેવી જ રીતે, ડબ્લ્યુટીઆઈ ક્રૂડ 8.32 ડોલર અથવા 8.62 ટકા વધીને 104.2 ડોલર થયું હતું.

નિષ્ણાતોનું કહેવું છે કે, તેલનું બજાર યુદ્ધવિરામ પહેલાના સ્તરે પાછું ફર્યું છે. માત્ર એટલો જ તફાવત છે કે હવે અમેરિકા ઈરાનની તેલની નિકાસ બંધ કરવા જઈ રહ્યું છે, હોર્મુઝની સામુદ્રધુનીમાંથી જહાજો બંધ થવાના કારણે અખાતી દેશો તેમના તેલની નિકાસ કરી શકતા નથી. તેને વિશ્વની સૌથી મોટી તેલ કટોકટી માનવામાં આવી રહી છે. ઈરાન દરરોજ 20 લાખ બેરલ તેલની નિકાસ કરતું હતું. જો હોર્મુઝ બંધ રહેશે, તો તે વિશ્વના કાચા તેલના પુરવઠાને વધુ કડક બનાવશે.

હિન્દુસ્થાન સમાચાર /પ્રજેશ શંકર/મુકુંદ

હિન્દુસ્થાન સમાચાર / માધવી વ્યાસ