કાઠમંડુ, નવી દિલ્હી, 13 એપ્રિલ (હિ.સ.) નેપાળના વિદેશ મંત્રી શિશિર ખનાંલે કહ્યું છે કે, નેપાળના પ્રધાનમંત્રી બાલેન્દ્ર શાહે ભારતના પ્રધાનમંત્રીનું આમંત્રણ સ્વીકારી લીધું છે. ભારતીય વિદેશ સચિવ વિક્રમ મિસ્ત્રી તેમની ભારત મુલાકાતની તૈયારી માટે ટૂંક સમયમાં નેપાળની મુલાકાત લેવાના છે.

મોરેશિયસથી પરત ફર્યા બાદ પત્રકારો સાથે વાત કરતા તેમણે કહ્યું કે, વર્તમાન સરકારની નીતિ તમામ દેશો સાથે મૈત્રીપૂર્ણ, સંતુલિત અને શાંતિપૂર્ણ સંબંધો જાળવવાની છે. તેમની સરકાર સાર્વભૌમત્વ, ભૌગોલિક અખંડિતતા અને પરસ્પર આદરના આધારે દેશના આંતરરાષ્ટ્રીય સંબંધોને મજબૂત કરવા માટે સક્રિયપણે કામ કરી રહી છે. વિદેશ મંત્રી ખનલે માહિતી આપી હતી કે, ભારતીય વિદેશ મંત્રી સાથેની બેઠક દરમિયાન નેપાળના પ્રધાનમંત્રી બાલેન્દ્ર શાહની ભારત મુલાકાત અંગે પણ ચર્ચા કરવામાં આવી હતી.

મોરેશિયસમાં ઇન્ડિયા ફાઉન્ડેશન દ્વારા આયોજિત હિંદ મહાસાગર પરિષદમાં ભાગ લીધા બાદ વિદેશ મંત્રી ખનાલે કહ્યું કે, તેમની મુલાકાત દરમિયાન તેઓ ભારત, ભૂતાન, બાંગ્લાદેશ, મોરેશિયસ વગેરે સહિત એક ડઝનથી વધુ દેશોના વિદેશ મંત્રીઓને મળ્યા હતા.

હિન્દુસ્થાન સમાચાર

હિન્દુસ્થાન સમાચાર / ડો.હિતેશ એન.વ્યાસ