નવી દિલ્હી, 2 એપ્રિલ (હિ.સ.). ખાનગી ક્ષેત્રની ટેલિકોમ કંપની ભારતી એરટેલ એ, એક નવો વૈશ્વિક સીમાચિહ્ન સ્થાપિત કર્યો છે. 65 કરોડ સબ્સ્ક્રાઇબર્સ સાથે, ભારતી એરટેલ વિશ્વની બીજી સૌથી મોટી ટેલિકોમ કંપની બની છે.

કંપનીએ ગુરુવારે ગ્લોબલ સિસ્ટમ ફોર મોબાઇલ કોમ્યુનિકેશન્સ (જીએસએમએ) ના ડેટાને ટાંકીને આ જાહેરાત કરી. જીએસએમએ ઇન્ટેલિજન્સ અનુસાર, ભારતી એરટેલ મોબાઇલ સબ્સ્ક્રાઇબર બેઝની દ્રષ્ટિએ વૈશ્વિક સ્તરે બીજા ક્રમે છે. કંપની ભારત અને આફ્રિકામાં સેવાઓ પૂરી પાડે છે. કંપનીના પ્રવક્તાએ જણાવ્યું હતું કે આ આંકડા 31 માર્ચ સુધી ઉપલબ્ધ ડેટા પર આધારિત છે.

એરટેલે જણાવ્યું હતું કે, તેના ભારતમાં 36.8 કરોડથી વધુ મોબાઇલ સબ્સ્ક્રાઇબર્સ છે અને 14 આફ્રિકન દેશોમાં 17.9 કરોડથી વધુ મોબાઇલ સબ્સ્ક્રાઇબર્સ છે. કંપનીના જણાવ્યા અનુસાર, તેના પ્રાદેશિક બજારોથી આગળ વધીને, એરટેલ યુટેલસેટ વનવેબ અને સ્પેસએક્સ સાથે વ્યૂહાત્મક ભાગીદારી દ્વારા ડિજિટલ વિભાજનને દૂર કરવાનો પ્રયાસ કરી રહી છે.

ભારતી એરટેલના એક્ઝિક્યુટિવ વાઇસ પ્રેસિડેન્ટ ગોપાલ વિટ્ટલે જણાવ્યું હતું કે, અમે નવીનતા, વિશ્વસનીયતા અને સેવા અનુભવના અમારા ધોરણોને વધુ ઉંચા કરવાનો પ્રયાસ કરીશું, ખાતરી કરીશું કે દરેક ગ્રાહકની ક્રિયાપ્રતિક્રિયા વિશ્વાસ મેળવવા અને મૂલ્ય પહોંચાડવાની તક બને.

હિન્દુસ્થાન સમાચાર / પ્રજેશ શંકર / સુનિત નિગમ

હિન્દુસ્થાન સમાચાર / માધવી વ્યાસ