નવી દિલ્હી, 10 મે (હિ.સ.) ઘરેલું ઝવેરી બજારમાં આજે શરૂઆતી કારોબાર દરમિયાન સામાન્ય નરમાઈનું વલણ જોવા મળી રહ્યું છે. સોનું આજે 290 રૂપિયા પ્રતિ 10 ગ્રામથી લઈને 320 રૂપિયા પ્રતિ 10 ગ્રામ સુધી સસ્તું થયું છે. તેવી જ રીતે ચાંદીના ભાવમાં આજે 100 રૂપિયા પ્રતિ કિલોગ્રામ સુધીનો સાંકેતિક ઘટાડો નોંધાયો છે. કિંમતમાં ઘટાડાને કારણે દેશના મોટાભાગના ઝવેરી બજારોમાં 24 કેરેટ સોનું આજે 1,52,350 રૂપિયાથી લઈને 1,54,370 રૂપિયા પ્રતિ 10 ગ્રામના સ્તરે કારોબાર કરી રહ્યું છે. તેવી જ રીતે 22 કેરેટ સોનું આજે 1,39,650 રૂપિયાથી લઈને 1,41,500 રૂપિયા પ્રતિ 10 ગ્રામની વચ્ચે વેચાઈ રહ્યું છે. બીજી તરફ ચાંદીના ભાવમાં પણ ઘટાડો થવાને કારણે દિલ્હીના ઝવેરી બજારમાં આ ચમકતી ધાતુ આજે શરૂઆતી કારોબાર દરમિયાન 2,75,000 રૂપિયા પ્રતિ કિલોગ્રામના સ્તરે વેચાઈ રહી છે.

સાપ્તાહિક ધોરણે જોઈએ તો, પાછલા અઠવાડિયાના કારોબારમાં સોનાના ભાવમાં તેજી નોંધાઈ છે. ગત સપ્તાહના કારોબારમાં 24 કેરેટ સોનાના ભાવમાં 1,640 રૂપિયા પ્રતિ 10 ગ્રામ સુધીની મજબૂતી આવી હતી. તેવી જ રીતે 22 કેરેટ સોનું સાપ્તાહિક ધોરણે 1,500 રૂપિયા પ્રતિ 10 ગ્રામ સુધી મોંઘું થયું હતું. ચાંદીના ભાવમાં પણ પાછલા અઠવાડિયાના કારોબારમાં તેજી જોવા મળી હતી. આ તેજીને કારણે ચાંદી ગયા અઠવાડિયાના ભાવની સરખામણીએ, 10 હજાર રૂપિયા પ્રતિ કિલોગ્રામ સુધી મોંઘી થઈ ગઈ છે.

દિલ્હીમાં આજે 24 કેરેટ સોનું 1,52,500 પ્રતિ 10 ગ્રામના સ્તરે કારોબાર કરી રહ્યું છે, જ્યારે 22 કેરેટ સોનાનો ભાવ 1,39,800 રૂપિયા પ્રતિ 10 ગ્રામ નોંધાયો છે. ત્યાં જ દેશની આર્થિક રાજધાની મુંબઈમાં 24 કેરેટ સોનું 1,52,350 રૂપિયા પ્રતિ 10 ગ્રામ અને 22 કેરેટ સોનું 1,39,650 રૂપિયા પ્રતિ 10 ગ્રામના સ્તરે વેચાઈ રહ્યું છે. તેવી જ રીતે અમદાવાદમાં 24 કેરેટ સોનાનો રિટેલ ભાવ 1,52,400 રૂપિયા પ્રતિ 10 ગ્રામ અને 22 કેરેટ સોનાનો ભાવ 1,39,700 રૂપિયા પ્રતિ 10 ગ્રામ નોંધાયો છે.

આ મુખ્ય શહેરો ઉપરાંત ચેન્નાઈમાં 24 કેરેટ સોનું આજે 1,54,370 રૂપિયા પ્રતિ 10 ગ્રામના ભાવે અને 22 કેરેટ સોનું 1,41,500 રૂપિયા પ્રતિ 10 ગ્રામના ભાવે વેચાઈ રહ્યું છે. તેવી જ રીતે કોલકાતામાં 24 કેરેટ સોનું 1,52,350 રૂપિયા પ્રતિ 10 ગ્રામ અને 22 કેરેટ સોનું 1,39,650 રૂપિયા પ્રતિ 10 ગ્રામના સ્તરે કારોબાર કરી રહ્યું છે. ભોપાલમાં 24 કેરેટ સોનાની કિંમત 1,52,400 રૂપિયા પ્રતિ 10 ગ્રામના સ્તરે છે, જ્યારે 22 કેરેટ સોનું 1,39,700 રૂપિયા પ્રતિ 10 ગ્રામના સ્તરે વેચાઈ રહ્યું છે.

લખનૌના ઝવેરી બજારમાં 24 કેરેટ સોનું આજે 1,52,500 રૂપિયા પ્રતિ 10 ગ્રામના સ્તરે અને 22 કેરેટ સોનું 1,39,800 રૂપિયા પ્રતિ 10 ગ્રામના સ્તરે વેચાઈ રહ્યું છે. પટનામાં 24 કેરેટ સોનાની કિંમત 1,52,400 રૂપિયા પ્રતિ 10 ગ્રામના સ્તરે છે, જ્યારે 22 કેરેટ સોનું 1,39,700 રૂપિયા પ્રતિ 10 ગ્રામના સ્તરે વેચાઈ રહ્યું છે. જયપુરમાં 24 કેરેટ સોનું 1,52,500 રૂપિયા પ્રતિ 10 ગ્રામ અને 22 કેરેટ સોનું 1,39,800 રૂપિયા પ્રતિ 10 ગ્રામના સ્તરે વેચાઈ રહ્યું છે.

દેશના અન્ય રાજ્યોની જેમ કર્ણાટક, તેલંગાણા અને ઓડિશાના ઝવેરી બજારમાં પણ આજે સોનાના ભાવમાં ઘટાડાનું વલણ જોવા મળી રહ્યું છે. આ ત્રણેય રાજ્યોની રાજધાનીઓ બેંગલુરુ, હૈદરાબાદ અને ભુવનેશ્વરમાં 24 કેરેટ સોનું 1,52,350 રૂપિયા પ્રતિ 10 ગ્રામના સ્તરે કારોબાર કરી રહ્યું છે. તેવી જ રીતે આ ત્રણેય શહેરોના ઝવેરી બજારોમાં 22 કેરેટ સોનું 1,39,650 રૂપિયા પ્રતિ 10 ગ્રામના સ્તરે વેચાઈ રહ્યું છે.

હિન્દુસ્થાન સમાચાર / યોગિતા પાઠક / મુકુંદ

હિન્દુસ્થાન સમાચાર / માધવી વ્યાસ