નવી દિલ્હી, 25 મે (હિ.સ.) રાષ્ટ્રપતિ ભવનમાં 25 મે ના રોજ યોજાનાર પદ્મ પુરસ્કાર 2026 સમારોહમાં દેશની અનેક પ્રતિષ્ઠિત હસ્તીઓનું સન્માન કરવામાં આવશે. રાષ્ટ્રપતિ દ્રૌપદી મુર્મુ કળા, સાહિત્ય, વિજ્ઞાન, સમાજસેવા અને જાહેર જીવનમાં ઉત્કૃષ્ટ યોગદાન આપનાર 131 મહાનુભાવોને પદ્મ પુરસ્કાર એનાયત કરશે. આ વર્ષે 5 મહાનુભાવોને પદ્મ વિભૂષણ, 13 ને પદ્મ ભૂષણ અને 113 હસ્તીઓને પદ્મ શ્રીથી સન્માનિત કરવામાં આવશે.

ફિલ્મ જગતમાંથી આ વખતે ઘણા મોટા નામો સન્માનની યાદીમાં સામેલ છે. દિગ્ગજ અભિનેતા ધર્મેન્દ્રને ભારતીય સિનેમામાં તેમના લાંબા અને યાદગાર યોગદાન માટે મરણોત્તર પદ્મ વિભૂષણથી સન્માનિત કરવામાં આવશે. જ્યારે મલયાલમ સિનેમાના સુપરસ્ટાર મામૂટ્ટીને પદ્મ ભૂષણ આપવામાં આવશે. આ પહેલાં તેઓ પદ્મ શ્રીથી પણ સન્માનિત થઈ ચૂક્યા છે. પ્રખ્યાત ગાયિકા અલ્કા યાજ્ઞિકને પણ સંગીત જગતમાં તેમના યોગદાન માટે પદ્મ ભૂષણથી નવાજવામાં આવશે.

આ ઉપરાંત અભિનેતા આર. માધવન, પ્રોસેનજીત ચેટર્જી, સતીશ શાહ, અનિલ કુમાર રસ્તોગી અને અરવિંદ વૈદ્ય જેવા અનેક ચર્ચિત નામો પણ આ વર્ષે સન્માન મેળવનારાઓની યાદીમાં સામેલ છે. પદ્મ પુરસ્કારોને દેશના સૌથી પ્રતિષ્ઠિત નાગરિક સન્માનોમાં ગણવામાં આવે છે અને આ સમારોહ ભારતીય પ્રતિભાઓ અને તેમની સિદ્ધિઓનું સન્માન કરવાનો ખાસ અવસર માનવામાં આવે છે.

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / ડો.હિતેશ એન.વ્યાસ