વૈનકુવર, નવી દિલ્હી, જુન 25 (હિ.સ.). બુધવારે ફિફા વર્લ્ડ કપ 2026ની ગ્રુપ બી મેચમાં સ્વિટ્ઝર્લેન્ડે કેનેડાને 1-2 થી હરાવીને પોઈન્ટ ટેબલમાં ટોચનું સ્થાન મેળવ્યું હતું. બી. સી. વૈનકુવર સ્ટેડિયમ ખાતે રમાયેલી રોમાંચક મેચમાં બીજા હાફમાં ત્રણેય ગોલ થયા હતા.

બંને ટીમો પ્રથમ હાફમાં ગોલ કરવામાં નિષ્ફળ રહી હતી, પરંતુ બીજા હાફની શરૂઆત થતાં જ સ્વિટ્ઝર્લેન્ડે આક્રમક અભિગમ અપનાવ્યો હતો. રુબેન વર્ગાસે 46મી મિનિટમાં ગોલ કરીને ટીમને લીડ અપાવી હતી.

ત્યારબાદ 57મી મિનિટમાં જોહાન મંજામ્બીએ બીજો ગોલ કરીને સ્વિટ્ઝર્લેન્ડની સ્થિતિ મજબૂત કરી અને સ્કોર 2-0 કરી દીધો.

બે ગોલથી પાછળ પડ્યા બાદ કેનેડાએ પુનરાગમન કરવાનો પ્રયાસ કર્યો હતો. પ્રોમિસ ડેવિડે 76મી મિનિટમાં ગોલ કરીને અંતર ઘટાડ્યું અને મેચને રોમાંચક બનાવી.

કેનેડા મેચની અંતિમ ક્ષણોમાં બરાબરીની નજીક પહોંચી ગયું હતું. વધારાના સમયની છેલ્લી મિનિટમાં, એલિસ્ટેર જોહન્સ્ટનનું હેડર સીધું સ્વિટ્ઝર્લેન્ડના ગોલકીપર ગ્રેગોર કોબેલના હાથમાં ગયું અને કેનેડાની આશાઓ ધરાશાયી થઈ ગઈ.

આ જીત સાથે, સ્વિટ્ઝર્લેન્ડે પોતાને ગ્રુપ બીમાં ટોચનું સ્થાન સુનિશ્ચિત કર્યું, જ્યારે કેનેડાએ નજીકના પરાજય છતાં તેમની આગામી તબક્કાની આશાઓ માટે અન્ય પરિણામો પર આધાર રાખવો પડશે.

હિન્દુસ્થાન સમાચાર /સુનીલ દુબે

હિન્દુસ્થાન સમાચાર / માધવી વ્યાસ