ચેન્નાઈ (તમિલનાડુ), 10 ઓગસ્ટ (હિ.સ.) : જાણીતા સંગીતકાર એ.આર. હેમાનના પુત્ર એ.આર.અમીનની લક્ઝરી કાર આજે વહેલી સવારે ચેન્નાઈના ગિંડીમાં ઓલિમ્પિયા ટેક પાર્ક નજીક બીજી કારમાં અથડાઇ હતી. આ ઘટનામાં કોઈને ગંભીર ઈજા થઈ ન હતી અને તમામને નાની-મોટી ઈજાઓ થતાં તેઓ બચી ગયા હતા.

અડયાર પોલીસે કેસ નોંધીને તપાસ શરૂ કરી છે.

અહેવાલ છે કે આજે સવારે લગભગ 3:30 વાગ્યે અમીન તેના એક મિત્ર સાથે કારમાં ગિંડી તરફ જઈ રહ્યો હતો. કાર ગિન્ડી ઓલિમ્પિયા ટેક પાર્ક સિગ્નલ પાસે પહોંચી હતી પરંતુ બાજુથી આવતી બીજી કાર તેને ટક્કર મારી હતી. આ દરમિયાન બંને કારને બાજુથી નુકસાન થયું હતું.

એ. આર. રહેમાનના પુત્ર અમીન અને તેના મિત્રને માત્ર નાના સ્ક્રેચ અને ઉઝરડા થયા હતા. ત્યારબાદ તેઓ તરત જ નજીકની ખાનગી હોસ્પિટલમાં ગયા, જ્યાં તેમને પ્રાથમિક સારવાર મળી અને તેઓ સુરક્ષિત રીતે ઘરે પરત ફર્યા.

બીજી કારમાં સવાર રેપિડો ડ્રાઈવર/પેસેન્જરને પણ નાની-મોટી ઈજાઓ થઈ હતી. પોલીસના જણાવ્યા અનુસાર, તે સરકારી હોસ્પિટલમાં ગયો હતો અને સારવાર બાદ ઘરે પરત ફર્યો હતો. ઘટનાસ્થળે પહોંચેલી અડયાર ટ્રાફિક ઇન્વેસ્ટિગેશન ડિવિઝન પોલીસે અકસ્માતમાં સામેલ બંને કારને જપ્ત કરી લીધી છે. આ ઘટના અંગે કેસ નોંધવામાં આવ્યો છે.

હિન્દુસ્થાન સમાચાર/ડૉ. વારા પ્રસાદ રાવ પી.વી./મુકુંદ

હિન્દુસ્થાન સમાચાર / હર્ષ શાહ