નવી દિલ્હી, 21 ઓગસ્ટ (હિ.સ.). બીડબ્લ્યુએફ વિશ્વ ચેમ્પિયનશિપ 2026ના પાંચમા દિવસે શુક્રવારે ભારતની મેડલની આશાઓ યુગલ મુકાબલાઓ પર ટકેલી રહેશે. મહિલા યુગલમાં ટ્રીસા જોલી અને ગાયત્રી ગોપીચંદ, જ્યારે પુરુષ યુગલમાં સાત્વિકસાઈરાજ રંકીરેડ્ડી અને ચિરાગ શેટ્ટી ક્વાર્ટર ફાઇનલ મુકાબલા રમવા ઉતરશે.

ટ્રીસા અને ગાયત્રી સામે ચીનની ચોથી ક્રમાંકિત જિયા યી ફાન અને ઝાંગ શુ શિયાનનો પડકાર હશે. આ મુકાબલો કોર્ટ નંબર એક પર બપોરે લગભગ 1:50 વાગ્યે શરૂ થવાની અપેક્ષા છે.

જ્યારે, પાંચમી ક્રમાંકિત સાત્વિકસાઈરાજ રંકીરેડ્ડી અને ચિરાગ શેટ્ટીનો સામનો ચીનની ત્રીજી ક્રમાંકિત લિયાન વેઈ કેંગ અને વાંગ ચેંગ સામે થશે. આ મુકાબલો સાંજે લગભગ 6:00 વાગ્યે કોર્ટ નંબર એક પર રમાશે.

ભારતની સિંગલ્સ વર્ગમાં મેડલની આશાઓ ગુરુવારે સમાપ્ત થઈ ગઈ. પીવી સિંધુ અને આયુષ શેટ્ટીને હારનો સામનો કરવો પડ્યો. આવા સંજોગોમાં હવે ભારતીય ચાહકોની નજર બંને યુગલ જોડીઓ પર રહેશે.

આજના ભારતીય મુકાબલા

મહિલા યુગલ ક્વાર્ટર ફાઇનલ

ટ્રીસા જોલી/ગાયત્રી ગોપીચંદ વિરુદ્ધ જિયા યી ફાન/ઝાંગ શુ શિયાન (ચીન)

સમય: બપોરે 1:50 વાગ્યે, કોર્ટ નંબર એક.

પુરુષ યુગલ ક્વાર્ટર ફાઇનલ

સાત્વિકસાઈરાજ રંકીરેડ્ડી/ચિરાગ શેટ્ટી વિરુદ્ધ લિયાન વેઈ કેંગ/વાંગ ચેંગ (ચીન)

સમય: સાંજે 6:00 વાગ્યે, કોર્ટ નંબર એક.

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / માધવી વ્યાસ