રાજકોટ, 17 નવેમ્બર (હિ.સ.)-રાજકોટના નાગેશ્વર વિસ્તારમાં 15 નવેમ્બરના રોજ કાકી અને ભત્રીજા વચ્ચેના પ્રેમ સંબંધથી કંટાળેલા પતિએ બિલ્ડિંગના પટાંગણમાં પોતાની પત્ની પર પરવાના વાળી રિવોલ્વરથી ગોળી ચલાવી અને પછી પોતે જ ગોળી મારી આત્મહત્યા કરી લીધી હતી. ઘટના સ્થળે જ પતિનું મોત થયું હતું, જ્યારે ગંભીર રીતે ઘાયલ પત્નીને હોસ્પિટલ ખાતે દાખલ કરવામાં આવી હતી. આજે (17 નવેમ્બર) સારવાર દરમિયાન મહિલાએ પણ દમ તોડી દીધો.

હાલમાં ગાંધીગ્રામ પોલીસ મહિલાના મૃતદેહને પોસ્ટમોર્ટમ માટે મોકલી હત્યાની કલમ ઉમેરવાની કાર્યવાહી શરૂ કરી છે.

પ્રેમ સંબંધના વિવાદે પત્ની પતિ અને 20 વર્ષના દીકરાને છોડી બહેનપણીના ઘરે રહી રહી હતી

માહિતી અનુસાર, રાજકોટના જામનગર રોડ સ્થિત નાગેશ્વર વિસ્તારમાં રહેતા દંપતિ વચ્ચે કાકી–ભત્રીજાના પ્રેમ સંબંધને કારણે લાંબા સમયથી વિવાદ ચાલી રહ્યો હતો. પત્નીનો પોતાના ભત્રીજા સાથે પ્રેમ સંબંધ હતો, જેની જાણ પતિને થતાં જ ઘરમાં સતત ઝઘડા થવા લાગ્યા હતા.

વિવાદ વધતા પત્ની પતિ અને 20 વર્ષના દીકરાને છોડી સામેની બિલ્ડિંગમાં રહેતી પોતાની સહેલીના ઘરે રહીવા ગઈ હતી. છેલ્લા દોઢ મહિનાથી પતિ તેને સમજાવી ઘરે લાવવા પ્રયાસ કરી રહ્યો હતો, પરંતુ પત્ની ઘરે આવવા તૈયાર નહોતી.

સમજાવવા ગયેલા પતિનો ગુસ્સો ભડક્યો, સ્થિતિ લોહીયાળ બની

15 નવેમ્બરની સવારે પતિ ફરી પત્નીને સમજાવવા માટે તેની સહેલીના ઘરે પહોંચ્યો. તે સમયે પત્ની જિમમાંથી ઘરે પરત આવી હતી. પટાંગણમાં બંને વચ્ચે થયેલો તર્ક વિવાદ થોડા સમયમાં ઉશ્કેરાટમાં ફેરવાયો હતો.

ગુસ્સે ભરાયેલા પતિએ પરવાના વાળી રિવોલ્વરમાંથી પ્રથમ પત્નીને ગોળી મારી અને ત્યારબાદ પોતાને ગોળી મારી દીધી. બંને લોહીલુહાણ હાલતમાં જમીન પર ઢળી પડ્યા હતા. પોલીસને ઘટનાસ્થળેથી 3 કાર્ટેજ મળ્યા છે.

ઘટનાના સમયે હાજર પત્નીની બહેનપણીએ તરત જ 108ની મદદ બોલાવી હતી અને મહિલાને રાજકોટ સિવિલ હોસ્પિટલ તેમજ બાદમાં ખાનગી હોસ્પિટલમાં ખસેડવામાં આવી હતી। પતિનું ઘટનાસ્થળે જ મોત નિપજ્યું હતું।

20 વર્ષના દીકરાએ માતા–પિતાનો સાથ ગુમાવ્યો

આજે સારવાર દરમિયાન પત્નીનું પણ મોત થતા કાકી–ભત્રીજાના પ્રેમ સંબંધે બે લોકોના જીવ લઈ લીધા છે અને 20 વર્ષના દીકરાને માતા અને પિતા—બન્નેનો સહારો ગુમાવ્યો છે.

ઘણા સમયથી પતિ–પત્ની અલગ રહેતા હતા; દીકરો પિતાની સાથે રહેતો હતો જ્યારે પત્ની સહેલીના ઘરે રહેતી હતી.

હાલમાં ગાંધીગ્રામ પોલીસ મહિલાના મૃતદેહને પોસ્ટમોર્ટમ માટે મોકલી વધુ કાનૂની કાર્યવાહી—હત્યાની કલમ ઉમેરવાની પ્રક્રિયા શરૂ કરી છે.

---------------

હિન્દુસ્થાન સમાચાર / યજુવેન્દ્ર દુબે