જૂનાગઢ, 20 નવેમ્બર (હિ.સ.) વંથલી માણાવદર બાંટવા સરાડીયા રોડ પર રૂ. 23.70 કરોડના ખર્ચે 3 નવા બ્રિજ, 24 કિમી લંબાઈ માં રસ્તાના રિસરફેસીગની કામગીરી થશે. ધારાસભ્ય અરવિંદ લાડાણીના હસ્તે રસ્તાના રિસરફેસીગ,નવા બ્રીજની કામગીરીનું ખાતમુહૂર્ત યોજાયુ હતુ.

વંથલી માણાવદર બાંટવા સરાડીયા રોડ (એસ એચ-૩૨) માં કિ.મી. 15 થી 39 માં સરકાર દ્વારા રૂ. 23.70 કરોડનુ કામ મંજૂર કરેલ છે. જેમાં ૩ નવા બ્રિજ, 24 કિમી લંબાઈ માં રસ્તાના રિસરફેસીગની કામગીરી થનાર છે. આ પ્રજાલક્ષી કામનુ ધારાસભ્ય અરવિંદ લાડાણી દ્વારા ખાતમુહૂર્ત કરવામાં આવ્યું હતુ. આ કામગીરી પૂર્ણ થતાં સ્થાનિક લોકોને સારી ડામર સપાટી રસ્તાની સુવિધા‌ ‌મળશે.

હિન્દુસ્થાન સમાચાર / ભરતસિંહ જાદવ