અમદાવાદ,7 નવેમ્બર (હિ.સ.) દિલ્હી એરપોર્ટ પર શુક્રવારના રોજ એર ટ્રાફિક કંટ્રોલ સિસ્ટમમાં ટેક્નિકલ ખામીના કારણે ગુજરાતમાં અમદાવાદ, સુરત, વડોદરા એરપોર્ટ પર મુસાફરો રઝળી પડ્યા. દિલ્હી એરપોર્ટની બહાર શુક્રવારના રોજ પ્રવાસીઓ પરેશાન દેખાયા. બહાર લાંબી કતારો દેખાઈ. દિલ્હી એરપોર્ટ પર શુક્રવારના રોજ એર ટ્રાફિક કંટ્રોલ સિસ્ટમમાં ટેક્નિકલ ખામીના કારણે 300થી વધુ ફ્લાઇટ્સ મોડી પડી છે. ગુરુવાર સાંજથી જ ટેક્નિકલ ખામીના કારણે એર કંટ્રોલર્સને ફ્લાઇટનું શેડ્યૂલ) મળી નથી રહ્યું.

એર ટ્રાફિક કંટ્રોલર્સ મેન્યુઅલી કામ કરી રહ્યું છે. હાલત ક્યાં સુધી સામાન્ય થશે, હજી આ વિશે દિલ્હી એરપોર્ટ ઓથોરિટીએ કોઈ જાણકારી આપી નથી.રિપોર્ટ્સ મુજબ, ઓટોમેટિક મેસેજ સ્વિચ સિસ્ટમ (AMSS)માં ખામી આવી ગઈ છે. આ પ્લેનના શેડ્યૂલ એટલે કે ટેકઓફ અને લેન્ડિંગની જાણકારી આપે છે.

ATCના અધિકારીઓ પહેલાથી હાજર ડેટાની સાથે મેન્યુઅલી ફ્લાઇટ શેડ્યૂલ તૈયાર કરી રહ્યા છે. તેના કારણે ઘણી ફ્લાઇટ્સ એક કલાક મોડી ઊડી.ફ્લાઇટ ટ્રેકિંગ વેબસાઇટ Flightradar24.com મુજબ, આ પહેલાં ગુરુવારે 513 ફ્લાઇટ્સ મોડી રવાના થઈ શકી હતી.

અમદાવાદ એરપોર્ટ પર આવતી કેટલીક ફ્લાઇટો પણ ડીલે થઈ છે. જ્યારે સુરત અને વડોદરા આવતી-જતી ફ્લાઈટોના સમય પણ ખોરવાયા છે.

હિન્દુસ્થાન સમાચાર / હર્ષ શાહ